Vybuchoŭka mahła być zakładzienaja ŭ adsiek šasi samalota Pryhožyna, u spravie źjaviŭsia padazravany — telehram-kanały
Vybuchovaje prystasavańnie na samalocie Jaŭhiena Pryhožyna, jaki raźbiŭsia ŭčora nad Vałdajem, mahło było zakładziena ŭ adsiek šasi, raspaviadaje adnu ź viersij śledstva kanał Shot. Taksama ŭ śledstva, pavodle krynic, źjaviŭsia padazravany.
Pavodle papiarednich źviestak, mienavita ŭ rajonie šasi i adbyŭsia vybuch u niebie, śćviardžajuć krynicy Shot. U vyniku ŭ samalota adarvałasia kryło, jakoje ŭdaryłasia ŭ stabilizatar, praz heta biznes-džet staŭ rezka nabirać vyšyniu, a zatym pajšoŭ u štopar. Ad razhiermietyzacyi ŭsie, chto znachodziŭsia na borcie, imhnienna stracili prytomnaść, tamu piłoty nie zmahli dałažyć ab nadzvyčajnym zdareńni. Ale biez kryła i stabilizatara vyratavać pavietranaje sudna nie ŭjaŭlałasia mahčymym.
Mienavita praz padryŭ u niebie chvastavaja častka samalota ŭpała za piać kiłamietraŭ ad fiuzielaža, kažuć krynicy kanała.
Ciapier viersija z vybuchovym prystasavańniem u šasi praviarajecca. U aeraporcie Šaramiećcieva addadziena asablivaje rasparadžeńnie — usie supracoŭniki słužby biaśpieki vyviedzienyja na pracu, vyklikanyja z vychadnych i adpačynkaŭ.
Taksama, jak stała viadoma kanału «VČK-OHPU», u spravie ab padryvie samalota Pryhožyna źjaviŭsia pieršy padazravany.
Heta asabisty piłot Pryhožyna i były zasnavalnik «MNT Aero» (firma — uładalnik samalota, jaki raźbiŭsia) Arciom Ściapanaŭ. Pravaachoŭnyja orhany, pavodle kanała, nibyta nie mohuć jaho znajści.
«Jon mieŭ dostup da samalota, pierad vybucham źjechaŭ na Kamčatku, dzie «zhubiŭsia». Adzinaje, što zmoh paviedamić jaho rodny brat, — heta toje, što jon nibyta treci dzień u pachodzie i biez suviazi. Ściapanava aktyŭna šukajuć pravaachoŭnyja orhany, mahčyma, jaho ŭžo niama ŭ RF», — piša kanał.
Aficyjnaha paćviardžeńnia infarmacyi, jakuju publikujuć Shot i «VČK-OHPU», niama.
«Fantanka» sa spasyłkaj na krynicu piša, što cieły zahinułych nie paddajucca vizualnamu apaznańniu praz toje, što mocna paciarpieli. Pa słovach surazmoŭcy vydańnia, na asnovie ŭskosnych prykmiet śpiecyjalisty kažuć, što Pryhožyn jość siarod zahinułych.
Bort Jaŭhiena Pryhožyna Embraer ERJ-135BJ Legacy 600 raźbiŭsia ŭ niebie nad Vałdajem za 50 km ad rezidencyi Pucina 23 žniŭnia.
Druhaja raspaŭsiudžanaja viersija, što samalot byŭ źbity rasijskaj SPA. The Moscow Times paviedamlała, što pobač ź miescam padzieńnia samalota Jaŭhiena Pryhožyna, niepadalok ad rezidencyi Uładzimira Pucina na Vałdai, staić čatyry dyvizijony S-300.
Chto tyja ludzi, što zahinuli ŭ avijakatastrofie razam z Pryhožynym
«Za 22 siekundy bort upaŭ na 2,5 kiłamietra». Flightradar24 apublikavaŭ dakładny hrafik padzieńnia samalota Pryhožyna
Na miescy krušeńnia samalota znojdzieny telefon Pryhožyna
Pobač ź miescam padzieńnia samalota Pryhožyna stajała čatyry dyvizijony S-300 — The Moscow Times
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary
...
Trupy silno obhorieli. A čto jeśli prihožin i utkin inścienirovali svoju śmierť? Čto jeśli oni živy i hdie-to v džunhlach potiahivajut martini?