Kuratar adnaŭleńnia Sabora Paryžskaj Božaj Maci zahinuŭ u vyniku niaščasnaha vypadku
Kuratar adnaŭleńnia Sabora Paryžskaj Božaj Maci, eks-načalnik Hienštaba Uzbrojenych sił Francyi Žan-Łui Žarželen zahinuŭ u vyniku niaščasnaha vypadku. Heta moža pieraškodzić płanam zaviaršyć adnaŭleńnie sabora da kanca 2024 hoda.
Hienierał Žarželen zahinuŭ u piatnicu, 18 žniŭnia, u vyniku padzieńnia padčas pachodu ŭ harach Pireniejaŭ, paviedamlaje The Art Newspaper.
Pavodle danych miascovaj žandarmieryi, uviečary 18 žniŭnia pradstaŭnik bazy Les Estagnous paviedamiŭ, što adzin ź ich haściej nie viarnuŭsia z pachodu. Paźniej pravaachoŭniki vyjavili na schile viaršyni Mon-Valje cieła mužčyny, jakoha apaznali jak Žarželena.
Prezident Francyi Emanuel Makron, jaki pryznačyŭ Žarželena kurataram restaŭracyi Sabora Paryžskaj Božaj Maci paśla pažaru, što adbyŭsia ŭ krasaviku 2019 hoda, u svajoj aficyjnaj zajavie addaŭ daninu pavahi adnamu z «najvialikšych sałdataŭ Francyi», jaki «kamień za kamieniem adnaŭlaŭ zranienuju pryhažość Notr-Dama».
«Sa śmierciu hienierała Žan-Łui Žarželena nacyja hublaje adnaho sa svaich vialikich sałdataŭ. Francyja — adnaho sa svaich vialikich słužycielaŭ. Sabor Paryžskaj Božaj Maci — hałoŭnaha stvaralnika svajho adradžeńnia», — napisaŭ Makron u sacsietcy.
Avec le décès du général Jean-Louis Georgelin, la Nation perd l'un de ses grands soldats. La France, un de ses grands serviteurs. Et Notre-Dame, le maître d'œuvre de sa renaissance. pic.twitter.com/gxskQoQbF4
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary