Pamior rasijski akcior Ihar Jasułovič. Jaho prodki byli biełarusy
Jon litaralna miesiac nie dažyŭ da 82-hodździa.
Ihar Jasułovič naradziŭsia 24 vieraśnia 1941 hoda ŭ Kujbyšaŭskaj vobłaści ŭ siamji vajskoŭca. Jaho prodki byli biełarusami.
U kino zdymaŭsia z 1961 hoda, syhraŭ bolš za 320 rolaŭ. Pieršaja rola — fizik Fiodaraŭ — u filmie «Dzieviać dzion adnaho hoda», ale akcior zdymaŭsia ŭ rolach druhoha płana i epizodach. Naprykład, u «Bryljantavaj ruce» źniaŭsia ŭ roli susieda z sabačkam. Taksama viadomy rolami ŭ filmach «Ajbalit-66», «Ščyt i mieč», «Major Vichor», «Karaleva Marho», «12 kresłaŭ». «Załatoje ciala», «Kamienskaja» dy inš.
U Jasułoviča, u adroźnieńnie ad niekatorych inšych akcioraŭ, była jasnaja hramadzianskaja pazicyja.
Jon nieadnarazova braŭ udzieł u pravaabarončych, dabračynnych, apazicyjnych i antyvajennych akcyjach i mierapryjemstvach.
Vystupaŭ za vyzvaleńnie Śviatłany Bachminoj, Michaiła Chadarkoŭskaha, Płatona Lebiedzieva, udzielnic hurta «Pussy Riot».
Uvachodziŭ u hramadskuju kamisiju, jakaja pravodziła niezaležnaje rasśledavańnie padziej na Bałotnaj płoščy, jakaja pryjšła da vysnovy, što sutyknieńni byli spravakavanyja pradstaŭnikami pravaachoŭnych orhanaŭ, a ŭdzielniki demanstracyi vymušanyja byli abaraniacca, kali ich biespadstaŭna zatrymlivali i źbivali.
Na prezidenckich vybarach 2012 hoda padtrymaŭ kandydaturu Michaiła Procharava. U sakaviku 2014 hoda razam z šeraham inšych dziejačaŭ kultury padpisaŭ zvarot suprać palityki rasijskaj ułady ŭ anieksavanym Krymie.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary