U Vašynhtonie adbyłosia adkryćcio vystavy «Mastactva suprać dyktatury». 23‑ha listapada ŭ chole Pałaty pradstaŭnikoŭ Kanhresa ZŠA, budynku Rejburn, ekspanavalisia bolš za 40 tvoraŭ 11‑ci biełaruskich mastakoŭ.
U Vašynhtonie adbyłosia adkryćcio vystavy «Mastactva suprać dyktatury». 23‑ha listapada ŭ chole Pałaty pradstaŭnikoŭ Kanhresa ZŠA, budynku Rejburn, ekspanavalisia bolš za 40 tvoraŭ 11‑ci biełaruskich mastakoŭ.
Na adkryćci prysutničali pradstaŭniki biełaruskaj dyjaspary ŭ Amierycy, pracaŭniki Kanhresa ZŠA, Dziarždepartamienta, amierykanskich niaŭradavych arhanizacyj, presa i pryvatnyja kalekcyjaniery suśvietnaha sučasnaha mastactva. Da haściej z pramovaj źviarnulisia dziejačy mastactva i hramadskaha ruchu Biełarusi: Pavieł Marozaŭ — adzin z arhanizataraŭ vystavy, čalec Rady BNR i lider supolnaści «Treci Šlach», Arest Dziejčakoŭski — pradstaŭnik Chielsinskaha kamiteta Kanhresa ZŠA, biełaruskija mastaki Aleś Šaternik, Alena Tylkina i Ryhor Bataljonak, pradstaŭniki Biełaruskaha Muzieja ŭ Ńju‑Jorku, Biełaruskaha moładzievaha ruchu Amieryki.
Pa słovach Paŭła Marozava, ekspazicyja «Mastactva suprać dyktatury» — heta paśpiachovy prykład narodnaj dypłamatyi. «U toj čas jak urad Biełarusi niazdolny pabudavać narmalovyja adnosiny ź viadučaj krainaj śvietu, mastaki sprabujuć dastukajucca da rozumaŭ i sercaŭ amierykancaŭ.Pry hetym jany demanstrujuć im lepšyja ŭzory našaha mastactva i ŭjaŭlajuć saboj biełarusaŭ, jakija majuć pryncypovuju pazicyju pa pytańniach zachavańnia rodnaj movy i kultury, pravoŭ čałavieka i demakratyi ŭ našaj krainie», — skazaŭ jon.
Na vystavie demanstrujecca kala saraka pałotnaŭ i hrafičnych listoŭ adzinaccaci biełaruskich mastakoŭ, jakija žyvuć u roznych krainach, — Alesia Puškina, Alesia Šaternika, Alaksieja Maračkina, Ryhora Bataljonka, Hienadzia Drazdova, Mikoły Kupavy, Julii Šaternik, Juryja Płatonova, Janki Ramanaviča, Aleny Tylkinaj i Siarhieja Ardena — a taksama skulpturnyja kampazicyi Alesia Šaternika, u tym liku biusty viadomych biełaruskich dziejačaŭ — Tadevuša Kaściuški, Jefrasińni Połackaj i Vasila Bykava. T
emami šmatlikich mastackich prac, pradstaŭlenych na vystavie, źjaŭlajecca Biełaruś i jaje historyka‑kulturnaja spadčyna.
Arhanizatarami ekspazycyi vystupili Kanhres novaj biełaruskaj dyjaspary Jeŭropy i ZŠA, supolnaść «Treci šlach» i Biełaruski muziej u Ńju‑Jorku. Vystava arhanizavanaja pry padtrymcy Fondu Džordža Maršała i Chielsinskaj kamisii Kanhresa ZŠA.
«Mastactva suprać Dyktatury» demanstrujecca na roznych placoŭkach u Jeŭropie i ZŠA z 2008 hoda. Za hety čas ekspazycyja pabyvała ŭ Estonii, Narviehii i ZŠA.
U płanach arhanizataraŭ u 2010 hodzie praciahnuć pakaz vystavy ŭ mastackich muziejach u ZŠA i Paŭdniovaj Jeŭropy, a taksama stvaryć novy prajekt, jaki budzie pašyrać biełaruskaje mastactva na Zachadzie i intehruje ŭ siabie lepšyja ŭzory biełaruskaha mastactva, muzyki i art pierfomansa.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary