«I sa svajho sajta prapahandysty infarmacyju prybrali». Jak ciapier vyhladaje ŭ Žodzinie pierachod, kaliści raśpijarany jak «inavacyjny»
Žychar Žodzina prysłaŭ u redakcyju vydańnia Ex-press.by fatahrafii pierachoda na vulicy 40 hadoŭ Kastryčnika. U hetym miescy niekalki hadoŭ tamu adkryli piešachodny pierachod, abstalavany lampačkami, jaki ŭ aficyjnaj presie ŭznosili jak «inavacyjny». Ciapier ža ad jaho nie zastałosia nie tolki padśvietki, ale navat darožnaj raźmietki. Pra toje, što tut pierachod, nahadvaje tolki adpaviedny znak.
«U Žodzinie cełuju rubryku śmieła možna adkryvać pad nazvaj «Čamu ŭvieś śviet nam zajzdrościć», — napisaŭ haradžanin. —
Pamiatajecie śviniačaje zachapleńnie ŭ «Žodzinskich navinach» z nahody «inavacyjnaha» piešachodnaha pierachoda na zajzdraść usim, jaki aśviatlaŭsia pry nabližeńni piešachodaŭ? Znachodziŭsia jon nasuprać stałovaj BiełAZa. Raśpijaryli tady jaho pa ŭsioj krainie!
Prapracavaŭ usiaho ničoha — paru hadoŭ ź pieramiennym pośpiecham. Apošnija paru hadoŭ naohuł zdoch i nikomu staŭ nie patrebnym…
Nu, a z čarhovaj zamienaj asfaltu zastaŭsia tolki hety napamin pra kolišniaje «zachapleńnie»! Darečy, i sa svajho sajta «ŽN» prapahandysty infarmacyju prybrali».
U mai minułaha hoda ci toj samy, ci inšy čytač z Žodzina taksama pisaŭ u Ex-press.by, u što pieratvaryŭsia hety «znakamity «čaroŭnaj» padśvietkaj, raśpijarany ŭ presie piešachodny pierachod».
Litaralna na nastupny dzień paśla publikacyi na hetaje miesca pryjechali rabočyja i pačali ramont. Tady zakryli asfaltam dzirki, namalavali raźmietku na pierachodzie i zamianili drenažnuju rašotku dla liŭnievaj kanalizacyi. Ale padśvietku ramantavać nie stali.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary