Adziny mytny taryf zabiaśpiečvaje nieabchodny ŭzrovień abarony biełaruskaha mašynabudavańnia. Ab hetym zajaviŭ žurnalistam vice‑premjer Biełarusi Andrej Kabiakoŭ, kamientujučy pryniaty Adziny mytny taryf Mytnaha sajuza Biełarusi, Kazachstana i Rasii.
Na prykładzie Pryvołžskaj fiederalnaj akruhi Rasii, ź jakoj u Biełarusi vielmi ciesnyja kaapieracyjnyja suviazi, Andrej Kabiakoŭ raskazaŭ, što Adziny mytny taryf abaraniaje intaresy vytvorcaŭ. «My vielmi ŭvažliva padyšli da hetych pytańniaŭ. Naprykład, što datyčycca vytvorčaści našaj hruzavoj techniki, traktaroŭ, kambajnaŭ, sielhasmašynabudavańnia — heta ŭsio dastatkova surjozna abaroniena Adzinym mytnym taryfam», — skazaŭ jon.
«Zrazumieła, našy partniory raźličvali na sustrečnyja kroki pa adpaviednych pazicyjach, cikavych dla ich», — dadaŭ jon. Pry padpisańni dakumientaŭ pa Adzinamu mytnamu taryfu byŭ znojdzieny nieabchodny kampramis, reziumavaŭ Andrej Kabiakoŭ.
U svaju čarhu paŭnamocny pradstaŭnik prezidenta Rasijskaj Fiederacyi ŭ Pryvołžskaj fiederalnaj akruzie Ryhor Rapota adznačyŭ, što stvareńnie Mytnaha sajuza praduhledžvaje svabodnaje pieramiaščeńnie tavaraŭ i kapitału i budzie sadziejničać pašyreńniu ekanamičnaha supracoŭnictva. «Mytny sajuz stvoryć bolš spryjalny fon dla našaha ŭzajemadziejańnia. Heta vidavočna», — padkreśliŭ jon.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary