Źnizili minimum cen na miasa dla Kitaja i małako dla Paŭnočnaj Karei
Minsielhascharč Biełarusi źmianiŭ hraničnyja minimalnyja ceny na tavary, jakija realizujucca pa źniešniehandlovych damovach. Zroblena heta pastanovaj viedamstva ad 7 žniŭnia 2023 hoda № 99, apublikavanaj na Nacyjanalnym pravavym partale.
Hetym razam źmianilisia nižnija hraničnyja ceny na niekatoryja tavary, jakija pastaŭlajucca ŭ Kitaj i ŭ KNDR.
U pryvatnaści, u Kitaj možna budzie ciapier pradavać miasa maładniaku bujnoj rahataj žyvioły nie tańniej za 3,4 dalara za 1 kh (raniej — nie tańniej za 3,5 dalara), miasa darosłych žyvioł — nie tańniej za 3,2 dalara za 1 kh (raniej — nie tańniej za 3,4 dalara).
U Paŭnočnuju Kareju — małako i viarški, zhuščanyja, u parašku, hranułach abo ŭ inšych ćviordych vidach, z utrymańniem tłušču bolšym za 1,5 mas. %, biez dadavańnia cukru abo inšych padsałodžvalnych rečyvaŭ — nie tańniej za 2,9 dalara za 1 kh (raniej — nie tańniej za 3,15 dalara).
Astatnija hraničnyja minimalnyja ceny na tavary nie źmianilisia.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary