Pavodle infarmacyi Mayday team, u červieni 2023 hoda z kałonii vyzvaliŭsia były supracoŭnik AMAPa i Słužby biaśpieki Łukašenki Uładzimir Šustaŭ. Jon, jak padkreślivaje mahiloŭski pravaabarončy resurs, byŭ pieršym žycharom Mahilova, jaki atrymaŭ realny termin pa vynikach žnivieńskich padziej 2020-ha hoda.
Zhodna z materyjałami śledstva, 10 žniŭnia Uładzimir Šustaŭ u rajonie mahiloŭskaha kinateatra «Radzima» nibyta ŭžyŭ fizičnuju siłu ŭ dačynieńni da ŭčastkovaha inśpiektara, jaki byŭ u składzie «kasmanaŭtaŭ», što zatrymlivali mahiloŭcaŭ za ŭdzieł u akcyi pratestu suprać falsifikacyi vybaraŭ. Pry hetym u materyjałach spravy byŭ videazapis, na jakim vidać, što milicyjant pieršym nabiahaŭ na Uładzimira.
Paśla kantaktu ź siłavikom Šustava i jaho syna źbili i zatrymali. Pieršapačatkova syn taksama byŭ pad padazreńniem pa hetaj kryminalnaj spravie, adnak u dačynieńni da jaho pieraśled paźniej spynili.
U listapadzie 2020 hoda sud Leninskaha rajona Mahilova ŭ asobie sudździ Aleny Litvinoj pryznaŭ Šustava vinavatym pavodle art. 364 KK Biełarusi (hvałt albo pahroza ŭžyvańnia hvałtu ŭ dačynieńni da supracoŭnika milicyi) i asudziŭ jaho da troch hadoŭ pazbaŭleńnia voli va ŭmovach ahulnaha režymu.
Akramia taho, u vieraśni 2021 hoda Alaksandr Łukašenka pazbaviŭ Šustava vajskovaha zvańnia.
Svoj termin Uładzimir Šustaŭ adbyŭ całkam.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary