USU na poŭdni dzie-nidzie prarvali pieršuju liniju abarony i vyjšli na pramiežkavuju — Hanna Malar
Namieśnica ministra abarony Ukrainy Hanna Malar u efiry nacyjanalnaha telemarafonu paviedamiła, što ŭkrainskija vajskoŭcy na poŭdni krainy ŭžo dzie-nidzie prarvali pieršuju liniju abarony rasijan i pierajšli na pramiežkavuju, piša «Ukrainskaja praŭda».
«Kali kazać pra poŭdzień, jak na bachmuckim napramku, to našy siły praciahvajuć nastupać, prabirajučysia skroź surjozny supraciŭ voraha, — heta bieśpierapynny artyleryjski ahoń, miniravańnie.
Ale našy vojski na poŭdni dzie-nidzie ŭžo prarvali pieršuju liniju abarony i pierajšli na pramiežkavuju. I tam jany ciapier sutykajucca z tym, što vorah na asnoŭnych, klučavych zaniatych imi vyšyniach faktyčna pabudavaŭ inžyniernyja ŭmacavańni.
Heta, biezumoŭna, uskładniaje pieramiaščeńnie našych vojskaŭ i sami bajavyja dziejańni. I na poŭdni, i na ŭschodzie vorah padciahvaje svaje reziervy.
I rasijanie ciapier u asnoŭnym padciahvajuć prafiesijnyja padraździaleńni. My fiksujem desantna-šturmavyja padraździaleńni, jakija kinuli ŭ boj i tam, i tam», — paviedamiła vajskovaja čynoŭnica.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary