Dźvie školnicy zastrelili susiedskaha sabaku ź pnieŭmatyčnaj vintoŭki, paśla čaho nie razhubilisia, źniali pra heta videarolik i vykłali ŭ sacyjalnyja sietki.
Zdareńnie adbyłosia ŭ vioscy Vialikija Aziory. Viadoma, što sabaka pieryjadyčna zryvaŭsia z łancuha. Tak zdaryłasia i 26 lipienia. Žyvioła zabiehła da susiedziaŭ. U ich taksama ŭ dvary byŭ sabaka, piša Grodnoplus.
Jak raspavioŭ pradstaŭnik hrodzienskaj milicyi Maksim Bazylenka, sabaki pačali hryźcisia, i dla taho, kab napałochać ich, adna ź dziaŭčatak vyniesła z domu pnieŭmatyčnuju vintoŭku i streliła ŭ bok sabaki.
Sabaka ŭciok, a praź niekatory čas školnicy znajšli jaho ŭžo niežyvym. Baćka dziaŭčatak pachavaŭ hadavanca.
U dačynieńni da školnic pravodzicca pravierka ŭ ramkach Kodeksa ab administracyjnych pravaparušeńniach (artykuł 16.29): žorstkaje abychodžańnie z žyviołaj abo pazbaŭleńnie ad žyvioły.
Pnieŭmatyčnuju vintoŭku nakiravali na ekśpiertyzu, a samich školnic pastavili na ŭlik u inśpiekcyi pa spravach niepaŭnaletnich Mastoŭskaha RAUS.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary