Telefonnyja ašukancy, pradstaŭlajučysia siłavikami, prapanujuć padpalić rasijskija kamisaryjaty dla nibyta vyrašeńnia prablem. Kanał Mash padličyŭ, što za ŭčora takich sprobaŭ padpału było nie mienš za 20.
Učorašniaj padpalščycaj vajenkamata ŭ staličnych Kuźminkach akazałasia 62-hadovaja piensijanierka. Ad dačy pakazańniaŭ jana admoviłasia. Zaviedziena kryminalnaja sprava ab chulihanstvie z prymianieńniem pradmietaŭ, jakija vykarystoŭvajucca ŭ jakaści zbroi, — da 7 hadoŭ turmy.
Jašče adzin staličny vajenkamat — u Atradnym — sprabavaŭ padpalić inšy piensijanier. Ale jaho svoječasova zaŭvažyli supracoŭniki ŭstanovy. Pavodle ich słoŭ, mužčyna prykmietna niervavaŭsia i razmaŭlaŭ pa hučnaj suviazi — surazmoŭca z ukrainskim akcentam prasiŭ uklučyć kamieru. Jon sprabavaŭ syści ad rabotnikaŭ vajenkamata, ale jaho svoječasova spynili. U pakiecie 69-hadovaha mužčyny lažali piać butelek z zapalnaj vadkaściu. Ad dačy pakazańniaŭ jon hetak ža admoviŭsia. Pravodzicca pravierka.
82-hadovuju piensijanierku zatrymali ŭ Vałhahradzie za sprobu padpału vajenkamata ŭčora ŭviečary. Kanfiskavanaja adna butelka 0,5 z zapalnaj sumieśsiu i knotam. Zaviedziena kryminalnaja sprava za sprobu naŭmysnaha źniščeńnia majomaści z chulihanskich pamknieńniaŭ šlacham padpału — da 5 hadoŭ.
31-hadovaja žančyna ŭ Kazani kinuła dva kaktejli Mołatava pad słužbovy UAZ «Patryjot», jaki stajaŭ kala vajenkamata, učora dniom. Pažar patušyli chutka, jon navat nie paśpieŭ pryčynić škody mašynie. Zatrymanaja raspaviała, što dziejničała pa ŭkazcy telefonnych «siłavikoŭ», jakich raniej znać nie znała. Ciapier jana pad padpiskaj ab niavyjeździe i z kryminałkaj za zamach na čužuju majomaść.
18-hadovaja pradavačka dziciačaj kramy z Ufy sprabavała padpalić vajenkamat u baškirskim Išymbai. Dziaŭčyna vyliła na hanak haručuju vadkaść, padpaliła i ŭciakła. Ahoń patušyli dva supracoŭniki palicyi z pasta achovy svaimi siłami. A dziaŭčynu znajšli ŭžo praz hadzinu ŭ adnym z dvaroŭ za 500 mietraŭ ad miesca złačynstva.
Vydańnie «Miedyjazona» pisała 27 lipienia, što za paŭtara hoda poŭnamaštabnaj vajny padpalili nie mienš za 113 vajenkamataŭ u Rasii.
Kamientary