Pravaabaroncy z «Viasny» 31 lipienia abjavili ab pryznańni palityčnymi źniavolenymi jašče 14 čałaviek. Ahulnaja kolkaść palitviaźniaŭ u Biełarusi ciapier składaje 1488 čałaviek.
Imiony novych palitviaźniaŭ — Vital Vajciachovič, Nastaśsia Vajciachovič, Uładzisłaŭ Vajciachovič, Volha Vajciachovič, Volha Pietuch, Uładzimir Saviankoŭ, Siarhiej Sakałoŭ, Mikałaj Roj, Uładzimir Adziniec, Kirył Kuźniacoŭ, Jaŭhien Čumiła, Alaksiej Procharaŭ, Siarhiej Hunia, Kanstancin Prytulenka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca pa spasyłcy.
Pavodle pravaabaroncaŭ, ciapier u Biełarusi 1488 palitviaźniaŭ. Apošnim časam ahulny rost ich kolkaści nie vielmi vialiki, i navat adznačajecca peŭnaje źnižeńnie (raniej užo niekalki razoŭ kolkaść pryznanych palitviaźniami pierasiahała 1500 čałaviek). Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Śpis usich ludziej, aficyjna pryznanych palitviaźniami ŭ Biełarusi, hladzicie tut.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro7
Kamientary