Biełaruski dyzajnier stvaryŭ telehram-napamin pra palitviaźniaŭ u krainie
Telehram-bot «Ličba Nul» skončyć svajo isnavańnie, kali ŭ Biełarusi nie zastaniecca palityčnych źniavolenych, kaža Uładzimir Malaŭka.
«Ja stvaryŭ telehram-bot, jaki nahadvaje nam, kolki ciapier u krainie palityčnych źniavolenych. Bot nazyvajecca «Ličba Nul», — piša biełaruski dyzajnier Uładzimir Malaŭka. — Dla svajho bota ja vyrašyŭ brać ličby z sajta pravaabarončaha centra «Viasna».
Na dumku Uładzimira Malaŭki, bot stanie napaminam «usim nam, asabliva tym, chto źjechaŭ, pra toje, što ŭ krainie ničoha nie skončyłasia, represii praciahvajucca». «Prajekt žyvie, tolki pakul jość «palitzeki», jak tolki ich nie stanie — prajekt pryjdzie da svajho łahičnaha finišu», — kaža dyzajnier.
Bot dasyłaje paviedamleńni kožny raz, kali kolkaść palitviaźniaŭ mianiajecca, i štodzień u 23:34.
«Ja razhladaju jašče hety bot nie jak niešta infarmacyjnaje, a jak tvorčaje pasłańnie, jak kreatyŭnaje rašeńnie dla tych, chto nie sočyć aktyŭna za padziejami navokał», — zaznačyŭ Uładzimir Malaŭka.
Jość 500 tysiač! Ludzi sabrali fantastyčnyja paŭmiljona jeŭra na dapamohu palitviaźniam
Byłoha vykładčyka BDUIR Mikałaja Bańkova asudzili da 4 hadoŭ kałonii
«Recydyvist paraiŭ ni ŭ jakim vypadku nie pryznavacca». Prafiesar Aleh Łatyšonak — pra toje, jak siadzieŭ u polskaj turmie za časami «Salidarnaści»
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary