Sachaščyk: U rasijskim vojsku miarkujuć, što Biełaruś padaryli Pryhožynu
Jak staviacca da vahnieraŭcaŭ biełaruskija aficery i što ab prychodzie PVK Pryhožyna ŭ Biełaruś kažuć u rasijskim vojsku, pradstaŭnik pa abaronie i nacyjanalnaj biaśpiecy Abjadnanaha pierachodnaha kabinieta Valeryj Sachaščyk raskazaŭ miedyja «Nastojaŝieje vriemia».
«Ja dumaju, što vielmi vuzkaje koła ludziej, jakija vałodajuć realnaj infarmacyjaj pra toje, što robić «Vahnier», — kaža Sachaščyk. — Byŭ niejki dahavarniak u vielmi vuzkim kole, i hety dahavarniak, miarkujučy pa ŭsim, spaŭniajecca. Nam durać hałavu, nam pakazvajuć niejkija karcinki. Nakolki jany adpaviadajuć praŭdzie, składana skazać. Nasamreč vialikaja kolkaść vahnieraŭcaŭ pieramiaščajecca ŭ Biełaruś.
Tak, jany pačali pravodzić zaniatki pa bajavoj padrychtoŭcy z pradstaŭnikami Uzbrojenych sił Biełarusi. Što jany buduć rabić dalej, skazać dosyć składana. Dla mianie vidavočna adno: Łukašenka vyklučany z łancužka pryniaćcia rašeńniaŭ pa hetym pytańni.
Pa toj infarmacyi, jakoj ja vałodaju, usio adbyłosia bieź jaho. U mianie jość peŭnyja insajdy siarod rasijskich siłavikoŭ. Tam isnuje mierkavańnie, što Biełaruś padaryli Pryhožynu. I jon ciapier usio robić, nie pytajučysia ni samoha Łukašenki, ni jahonaha atačeńnia.
Tyja pytańni, jakija treba było vyrašyć, vyrašanyja. Jon budzie asabista rabić usio, što ličyć patrebnym».
Jak u biełaruskim vojsku staviacca da taho, što pryjechali najmity PVK «Vahnier»?
«U mianie davoli šyrokija kantakty ŭ dziejnym biełaruskim vojsku. Ale treba razumieć, što sa mnoj majuć znosiny ludzi, jakija prytrymlivajucca prykładna takich ža pohladaŭ, jak i ja. Siarod hetych ludziej jość abureńnie tym, što adbyvajecca, — kaža Sachaščyk. — Hetyja ludzi całkam surjozna ličać, što kiravańnie taktyčnaj jadziernaj zbrojaj taksama budzie pieradadziena vahnieraŭcam. Tym bolš ich raźmiaścili pobač ź miescam, dzie dysłakujecca 465-ja rakietnaja bryhada, u jakoj na ŭzbrajeńni stajać «Iskandery». Usio heta vielmi niepryjemna.
Viadoma ž, biełaruskija aficery adčuvajuć, što ŭ ich prosta zabirajuć z-pad noh ziamlu i robiać zakładnikami vielmi brudnaj palityčnaj hulni. Nichto hetym nie zadavoleny. Ale što jany zmohuć zrabić — žyćcio pakaža».
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»7
Kamientary
opańki. tadadadam..