Apublikavali novy spadarožnikavy zdymak łahiera vahnieraŭcaŭ u vioscy Cel
Vydańnie The Washington Post apublikavała novy radyjołakacyjny zdymak łahiera PVK «Vahnier» u vioscy Cel Asipovickaha rajona. Jon byŭ zrobleny siońnia spadarožnikam Umbra i prademanstravany kampanijaj Maxar Technologies.
Staršy dyrektar Maxar Styvien Vud paviedamiŭ, što łahier u paraŭnańni z papiarednim zdymkam ad 17 lipienia istotna pavialičyŭsia. Tudy prybyli «dziasiatki, kali nie sotni adzinak techniki i abstalavańnia».
Siońnia Dziaržaŭnaja pamiežnaja słužba Ukrainy zajaviła na padstavie svaich krynic, što kolkaść vahnieraŭcaŭ u Biełarusi za apošni čas pavialičyłasia da 5000 čałaviek.
Takaja kolkaść dla Ukrainy niepasrednaj pahrozy nibyta nie ŭjaŭlaje, adnak USU pavinny być hatovyja da lubych situacyj, u tym liku i da niedapuščeńnia pravakacyj na miažy.
Raniej stała viadoma, što ŭ Biełaruś prybyło vosiem kałon vahnieraŭcaŭ. Jany instruktavali pad Asipovičami biełaruskich vajskoŭcaŭ, a taksama ŭdzielničali ŭ vučeńniach na palihonie Brescki. A Jaŭhien Pryhožyn zarehistravaŭ u Biełarusi kampaniju.
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary