«Ja, kali ŭ Rasii byŭ, to chadziŭ i sopli žavaŭ». U Kalinkavičach rasijanie na Kupalle sprabavali kačać pravy. I narvalisia na niepryjemnaści
U haradskim parku ŭ Kalinkavičach 6 lipienia adznačali Kupalle. Adna z handlovych pałatak vyrašyła zakrycca praz doždž, ale hości Biełarusi, jakija siadzieli pad jaje parasonami, adychodzić nie chacieli i praciahvali pić piva. Kanflikt skončyŭsia vyklikam milicyi, piša «Lusterka».
Niahledziačy na toje, što biełaruskija siłaviki vielmi łajalna staviacca da pryjezdžych z Rasii, ciarpieć «kazyrańnie» rasijskim pašpartam jany nie stali: «Pravy vy tut kačacie nie budziecie».
— Nu i što, što rasijski pašpart? — spytaŭ siłavik u rasijanki.
— Ja ŭ hości pryjechała, ja na śviacie mahu być da 10-ci hadzin. Maju poŭnaje prava! — razdražniona adkazała taja.
— Zaraz pryjedzie mužčyna, pałatki źbiarucca, i ŭsio. A vy možacie choć nočču pryjści, — pasprabavaŭ jaje supakoić milicyjant.
Žančyna pierajšła na pavyšany ton i pačała spračacca, siłavik taksama pacichu staŭ razdražniacca i paprasiŭ u jaje dakumienty, a zatym staŭ zadavać pytańni pra rehistracyju.
— Pryjechali tut nieviadoma adkul, budziecie pravy kačać. Ja, kali jechaŭ u Rasiju, pravy nie kačaŭ, ja cichieńka chadziŭ i sopli žavaŭ, a vy pravy tut kačajecie. Pravy vy tut kačać nie budziecie, — prakamientavaŭ jon.
Zvyčajna biełaruskija siłaviki vielmi łajalna staviacca da rasijan. Naprykład, DAI nie karaje ich za nalepki litary Z na aŭtamabilach, ale za nacyjanalnuju simvoliku biełaruskim kiroŭcam pryznačajuć štrafy abo «sutki».
Kali ŭviečary 17 červienia ŭ Ivacevičach zatrymali kampaniju ź niekalkich niećviarozych rasijan na mašynie ź simvałam Z, adzin ź jakich byŭ vajskoŭcam, za pjanuju jazdu i niepadparadkavańnie supracoŭnikam milicyi, to ŭsio pakarańnie skončyłasia štrafam.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary