Kala 200 vahnieraŭcaŭ užo mohuć znachodzicca ŭ Biełarusi — «Biełaruski Hajun»
Niahledziačy na zajavy Łukašenki, što najmity Pryhožyna jašče nie pierakinutyja ŭ Biełaruś, jany ŭžo mohuć znachodzicca ŭ našaj krainie.
Pavodle infarmacyi, jakuju atrymaŭ «Biełaruski Hajun», kala 200 najmitaŭ PVK «Vahnier» u hety momant mohuć znachodzicca na terytoryi vajskovaha palihona Łośvida (Viciebski rajon).
Palihon Łośvida znachodzicca prykładna za 52 kiłamietry ad miažy z RF i za 150 kiłamietraŭ ad miažy z Łatvijaj.
Pavodle papiarednich źviestak manitorynhavaj hrupy, tam bajcy PVK «Vahnier» navučajuć stralbie niekatoryja padraździaleńni US Biełarusi.
Maštabnaha pieramiaščeńnia ŭ Biełaruś najmitaŭ PVK «Vahnier» pakul nie zafiksavana, jak paviedamlaje «Hajun».
Siońnia žurnalisty na pres-kanfierencyi spytali Alaksandra Łukašenku pra los vahnieraŭcaŭ i Pryhožyna, jakija pavinny byli źjechać u Biełaruś.
«Nakolki ja infarmavany, bajcy znachodziacca ŭ svaich łahierach [u Rasii]. Što tyčycca Pryhožyna, to jon znachodzicca ŭ Piciery. Na terytoryi Biełarusi jaho niama», — adkazaŭ Łukašenka.
Na siońniašni dzień, pavodle Łukašenki, pytańnie pieradysłakacyi vahnieraŭcaŭ nie vyrašana.
«My prapanavali im niekalki byłych vajskovych haradkoŭ, jakija vykarystoŭvalisia ŭ saviecki čas, u tym liku pad Asipovičami, kali jany pahodziacca. Ale ŭ PVK «Vahnier» inšaje bačańnie pa raźmiaščeńni (zrazumieła, što pra heta bačańnie ja vam nie skažu)», — adkazaŭ jon.
Jon dadaŭ, što hałoŭnaja ŭmova raźmiaščeńnia vahnieraŭcaŭ u Biełarusi — zadziejničańnie ich «u abaronie dziaržavy», na dumku Łukašenki. «Hałoŭnaja ŭmova — kali nam treba budzie zadziejničać hetaje padraździaleńnie dla abarony dziaržavy, to jano budzie zadziejničana imhnienna. I ich dośvied budzie zapatrabavany», — skazaŭ jon.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary