Hetaje niepryznanaje dziaržaŭnaje ŭtvareńnie źbirajecca źviarnucca da aficyjnaha Minska z prośbaj ab pryznańni
Temu mahčymaha pryznańnia Biełaruśsiu niezaležnaści samaabvieščanaj respubliki Paŭdniovaja Asiecija, jakaja kantralujecca Rasijaj, abmierkavali na pasiadžeńni tamtejšaha parłamienta. Z prapanovaj źviarnucca da parłamienta Biełarusi z prośbaj ab pryznańni vystupiŭ staršynia Kamiteta pa ekanomicy, małym pradprymalnictvie i sielskaj haspadarcy Ałan Ciechaŭ.
«U nas jość mahčymaść, kali raniej pieraškadžali niejkija palityčnyja nastupstvy, u tym liku i sankcyi, to siońnia jany ŭžo ŭviedzienyja. MZS respubliki pa svajoj linii pavinna prapracavać hetaje pytańnie», — cytuje słovy deputata «Echo Kavkaza».
Pytańnie śpikier parłamienta Ałan Ałbaraŭ adrasavaŭ staršyni Kamiteta pa źniešniaj palitycy i mižparłamienckich suviaziach Zazu Dryjajevu dla dalejšaj prapracoŭki.
U žniŭni 2021 hoda Łukašenka raspavioŭ, čamu nie pryznaŭ Paŭdniovuju Asieciju i Abchaziju. Pavodle jaho słoŭ, Zachad pahražaŭ Minsku dadatkovymi sankcyjami ŭ vypadku pryznańnia niezaležnaści hetych samaabvieščanych respublik, Maskva ž admoviłasia kampiensavać ekanamičnyja straty. Pry hetym Łukašenka nazvaŭ «niadobrym faktam» toje, što «Asieciju adarvali ad Hruzii».
28 vieraśnia 2022 hoda Alaksandr Łukašenka naviedaŭ Picundu, dzie sustreŭsia z abchazskim prezidentam Asłanam Bžanija. Sa słoŭ samoha Łukašenki, abmiarkoŭvalisia «handlova-ekanamičnyja suviazi». Da vizitu ŭ Abchaziju Łukašenka sustrakaŭsia z Pucinym u Sočy.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary