Zialenski: Byŭ na froncie, heta ščaślivy dzień — na ŭsich kirunkach było prasoŭvańnie
Prezident Ukrainy paviedamiŭ, što jon byŭ rady padziakavać ukrainskim vajaram asabista. Pra heta Uładzimir Zialenski paviedamiŭ padčas načnoha videazvarotu, zapisanaha ź ciahnika, jak piša «Ukrainskaja praŭda».
«Siońnia — front. Danieččyna, Zaparožža. Našy voiny, našy pieradavyja pazicyi, napramki aktyŭnych dziejańniaŭ na froncie. Siońnia na ŭsich napramkach u našych voinaŭ było prasoŭvańnie napierad, i hety ščaślivy dzień. Ja zyču chłopcam bolš takich dzion».
Zialenski raskazaŭ, što 26 červienia byŭ u padraździaleńniach «Chorcicy», jakija hieraična vyznačylisia ŭ bitvie za Bachmut, dalej — u «vielmi mahutnych, vielmi akuratnych» marpiechach, zatym − u «Taŭryi», na Paŭdniovym froncie.
Jon taksama dadaŭ, što pravioŭ narady z hienierałami Vasilom Zubaničam, Alaksandram Tarnaŭskim, Juryjem Modulem i Alaksandram Syrskim, na jakich pryniali niekalki apieratyŭnych rašeńniaŭ.
A taksama jašče raz abmierkavali stvareńnie Korpusa marskoj piachoty.
Akramia taho, pa słovach Zialenskaha, jon mieŭ pieramovy z partniorami, u pryvatnaści z prezidentam ZŠA Džo Bajdenam, pierš za ŭsio pra pastaŭki zbroi.
«Nasyčany dzień, šmat emocyj. Mieŭ honar uznaharodzić našych voinaŭ, padziakavać asabista, pacisnuć ruku. Dziakuj za ŭsie vašy słovy padtrymki, chłopcy! Dziakuj za abdymki — vielmi ciopłyja — usim siońnia. I dziakuj za vašy šaŭrony. Heta nadzvyčaj hanarova dla mianie, pra kožny šaŭron raskažu asobna. Usie našy voiny — ad sałdata, matrosa da hienierała — małajcy!» — padsumavaŭ prezident.
-
Prapahandystka Lebiedzieva pachvaliłasia ekskluzivam z Maryupalskaha teatra, jaki Rasija adbudavała z nula, kab schavać ślady vajennaha złačynstva
-
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści
-
Rasijski dron udaryŭ pa aŭtobusie z šachciorami na Dnieprapiatroŭščynie. Zahinuli 15 čałaviek
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary