Dźmitryj Kruty skazaŭ, što ŭ Biełarusi nieŭzabavie budzie ŭłasny fłot. Prynamsi, jon u heta vieryć
Pasoł Biełarusi ŭ Rasii ŭ niadaŭnym intervju razvažaŭ adnosna taho, jak Biełarusi ŭ ciapierašnich umovach transpartavać svaju pradukcyju marskim šlacham, jak paviedamlaje Sputnik.
Pavodle Krutoha, padčas niadaŭniaha vizitu premjera Ramana Hałoŭčanki ŭ Murmansk havorka išła ŭ tym liku pra farmavańnie ŭłasnaha fłotu. Praŭda, na hetym šlachu ŭźnikajuć prablemy:
«U nas, na žal, u Biełarusi niama sudoŭ svaich, kampietencyi ŭnutry respubliki stračanyja, ale voś rasijanie ad Nižniaha Noŭharada, Samary, hubiernatary aktyŭna prapanujuć», — adznačyŭ Kruty.
Na niepasrednaje pytańnie, ci budzie ŭ Biełarusi ŭłasny fłot, Dźmitryj Kruty adkazaŭ:
«Tak, źjavicca biełaruski fłot u Rasii, ja ŭ heta vieru».
Na jaho dumku, varta pačać ź niekalkich sudnaŭ i zajmacca pieravozkaj hruzaŭ pa asnoŭnych arteryjach.
Dahetul biełaruski bok vioŭ aktyŭnyja pieramovy adnosna taho, kab pabudavać ułasny port dla zabieśpiačeńnia ekspartu ŭłasnaj pradukcyi na Bałtyjskim mory, va Uść-Łuzie pad Sankt-Pieciarburham, ale z hetym uźnikaje šmat prablem.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
Ŭiaŭlaju sabie, ŭ jakija straty ŭvojdzie Biełaruskalij, kali ŭ jaho źjavicca svoj fłot.