Дзмітрый Круты сказаў, што ў Беларусі неўзабаве будзе ўласны флот. Прынамсі, ён у гэта верыць
Пасол Беларусі ў Расіі ў нядаўным інтэрв'ю разважаў адносна таго, як Беларусі ў цяперашніх умовах транспартаваць сваю прадукцыю марскім шляхам, як паведамляе Sputnik.
Паводле Крутога, падчас нядаўняга візіту прэм'ера Рамана Галоўчанкі ў Мурманск гаворка ішла ў тым ліку пра фармаванне ўласнага флоту. Праўда, на гэтым шляху ўзнікаюць праблемы:
«У нас, на жаль, у Беларусі няма судоў сваіх, кампетэнцыі ўнутры рэспублікі страчаныя, але вось расіяне ад Ніжняга Ноўгарада, Самары, губернатары актыўна прапануюць», — адзначыў Круты.
На непасрэднае пытанне, ці будзе ў Беларусі ўласны флот, Дзмітрый Круты адказаў:
«Так, з'явіцца беларускі флот у Расіі, я ў гэта веру».
На яго думку, варта пачаць з некалькіх суднаў і займацца перавозкай грузаў па асноўных артэрыях.
Дагэтуль беларускі бок вёў актыўныя перамовы адносна таго, каб пабудаваць уласны порт для забеспячэння экспарту ўласнай прадукцыі на Балтыйскім моры, ва Усць-Лузе пад Санкт-Пецярбургам, але з гэтым узнікае шмат праблем.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары
Ўяўляю сабе, ў якія страты ўвойдзе Беларускалій, калі ў яго з'явіцца свой флот.