Ministr abarony Ukrainy raskazaŭ, jak Chrenin u pieršy dzień vajny prapanoŭvaŭ jamu kapitulacyju
Ministr abarony Biełarusi Viktar Chrenin prasiŭ svajho ŭkrainskaha kalehu padpisać akt ab kapitulacyi, kab spynić vajnu. Jak raskazaŭ u intervju «Nastojaŝiemu vriemieni» Alaksiej Reźnikaŭ, razmova adbyłasia ŭ druhoj pałovie dnia 24 lutaha 2022 hoda, jaje pierakazała «Lusterka».
Kiraŭnik Minabarony Ukrainy Alaksiej Reźnikaŭ raskazaŭ, što ŭ pieršy dzień vajny ministr Chrenin vystupaŭ jak pasiarednik Šajhu i patelefanavaŭ z prapanovaj ab kapitulacyi.
— Paśla abiedu mnie pastupiŭ zvanok ad biełaruskaha ministra z prapanovaj padpisać akt kapitulacyi. Heta było śmiešna.
— A jak heta hučała?
— Biełaruski ministr zapytaŭ razmovu. A my ź im da hetaha razmaŭlali, abmiarkoŭvali ryzyku i pahrozy, i jon mnie klatvienna abiacaŭ, davaŭ słova aficera, što nijakaha ŭvarvańnia z terytoryi Biełarusi być nie moža. Jon parušyŭ honar aficerski, nie vykanaŭšy svaje abiacańni.
Ja ŭsio roŭna pryniaŭ zvanok, heta było dzieści paśla abiedu. Jon hučaŭ vielmi niajomka, vielmi niazručna jamu vidavočna było. Jon kaža: «Ja vykonvaju rolu pasiarednika, chaču vam pieradać paviedamleńnie ad ministra Šajhu, što jość prapanova padpisać akt kapitulacyi, i tady ŭsio možna budzie spynić».
U mianie nie było času pravodzić jakija-niebudź kansultacyi. Ja prosta adrazu adreahavaŭ (ale biez łajanki skazaŭ!), ja prosta skazaŭ: «Dziakuj za vašu sprobu vystupić niejkim pieradatčykam. Možacie pieradać u adkaz, što ja padpišu akt kapitulacyi z boku Rasii. I my tady ŭsiu hetuju spravu skončym».
Heta byŭ naš adziny virtualny kantakt», — padzialiŭsia Reźnikaŭ.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać5
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary