Hramadskuju aktyvistku ź Vierchniadźvinska Valancinu Bołbat iznoŭ buduć sudzić. Sud adbudziecca 19 červienia ŭ Połacku, paviedamiła «Viciebskaja viasna».
Sudzić Valancinu Bołbat znoŭ budzie sumna viadomaja sudździa Navapołackaha suda Zinaida Bałabołava, jakaja ŭžo čatyry razy vynosiła žančynie prysudy: dvojčy aryštoŭvała na 10 sutak i davała vialikija štrafy pa artykule 19.11 KaAP (raspaŭsiud ekstremisckich materyjałaŭ).
29 krasavika na Valancinu Bołbat vierchniadźvinskimi milicyjantami było składziena niekalki pratakołaŭ pa artykule 19.11 KaAP (raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść) i častcy 3 artykuła 24.23 KaAP (parušeńnie paradku arhanizacyi abo praviadzieńnia masavych mierapryjemstvaŭ).
Tady Vierchniadźvinski sud prysudziŭ žančynie 30 sutak aryštu, milicyjanty adrazu ŭ zale suda ŭziali jaje pad vartu. Ale z žančynaj iznoŭ zdaryŭsia hipiertaničny kryz i jaje advieźli ŭ lakarniu, dzie jana pralažała dva tydni.
Valancina Bołbat razam sa svaim advakatam asprečyła hetuju pastanovu suda ŭ Viciebskim abłasnym sudzie. 22 maja sudździa abłasnoha suda Śviatłana Ivanova admianiła rašeńnie suda Vierchniadźvinskaha rajona.
Ale na hetym usio nie skončyłasia. Spravu Valanciny Bołbat pieradali ŭ Navapołacki sud, u jakim žančynie budzie vyniesieny novy prysud.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ136
Kamientary