Dziasiatki tysiač sierbaŭ u piatnicu ŭziali ŭdzieł u antyŭradavym prateście ŭ Białhradzie — šostym z pačatku maja, abvinavačvajučy kulturu hvałtu ŭ hibieli 18 čałaviek u dvuch masavych rasstrełach i zaklikajučy ministra ŭnutranych spraŭ Sierbii pajści ŭ adstaŭku.
Skandujučy «Vučyč, preč!», majučy na ŭvazie prezidenta Sierbii, i trymajučy vialiki banier z nadpisam «Studenty suprać hvałtu», pratestoŭcy sabralisia pierad parłamientam i prajšli maršam da budynka ŭrada, piša «Jeŭrapiejskaja praŭda» sa spasyłkaj na Reuters.
Pratestoŭcy patrabujuć adstaŭki ministra ŭnutranych spraŭ Sierbii Bracisłava Hašyča i kiraŭnika śpiecsłužby Alaksandra Vulina, jakich jany abvinavačvajuć u niazdolnaści pryciahnuć da adkaznaści złačynnyja hrupoŭki.
Udzielniki pratestu taksama patrabujuć adklikać licenzii na nacyjanalnaje viaščańnie ŭ źviazanych z uładami telekanałaŭ Pink TV i Happy TV i zabaranić niekatoryja tabłoidy, jakija abvinavačvajucca ŭ prapahandzie hvałtu.
Sierbski prezident, adnak, ličyć, što jaho ŭrad nie niasie adkaznaści za padziei. «Ci vinavaty ŭrad u złačynstvach, što adbylisia? Ja nie mahu z hetym pahadzicca», — skazaŭ jon u intervju Reuters u piatnicu.
Masavyja antyŭradavyja pratesty, vyklikanyja dvuma masavymi rasstrełami ŭ pačatku maja, u Sierbii praciahvajucca ŭžo paŭtara miesiaca.
Na ich fonie Vučyč adyšoŭ ad styrna praŭładnaj Sierbskaj prahresiŭnaj partyi, kab sfarmavać bolš šyroki palityčny ruch, a raniej na hetym tydni zajaviŭ, što inicyjuje daterminovyja vybary, ale nie ŭdakładniŭ, kali mienavita.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać32
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Dietskij sad...