Kiraŭniki lehijona «Svaboda Rasii» pakazali novych rasijskich pałonnych
Jany zajavili, što hubiernatar Biełharodskaj vobłaści dla abmienu nie źjaviŭsia.
«Jak my i čakali, spadar Hładkoŭ nie znajšoŭ u sabie mužnaści abmianiać svoj kaštoŭny čas na žyćci i svabodu, jak jon vykazaŭsia, «našych pacanoŭ». Jak vy paśpieli zaŭvažyć, vašych pacanoŭ u našym pałonie stała značna bolš», — havorycca ŭ zvarocie.
Raniej dla abmienu dvuch vajennapałonnych kiraŭnik RDK Dzianis Kapuścin vyklikaŭ hubiernatara rehijona Viačasłava Hładkova ŭ chram Novaj Tavałžanki.
«Spadar Hładkoŭ! Siońnia vialikaje pravasłaŭnaje śviata, Siomucha. U jakaści žesta dobraj voli, pra jakija tak časta havorać va ŭradzie RF, my hatovyja addać vam hetych pałonnych, prostych ruskich sałdat za mahčymaść pahutaryć z vami asabista, abmierkavać biahučuju situacyju ŭ rehijonie i, hałoŭnaje, pahavaryć pra jaho budučyniu i budučyniu Rasii ŭ cełym. Tamu zaprašajem vas da dyjałohu ŭ ścienach chrama ŭ Novaj Tavałžancy. Pryjazdžajcie na mašynie chutkaj dapamohi asabista ŭ supravadžeńni kiroŭcy, biez zbroi. Ja pryjdu sam z pradstaŭnikom lehijona «Svaboda Rasii» i pałonnymi. Zusim niadaŭna vy atrymali orden Mužnaści, dyk pakažycie sapraŭdnuju hramadzianskuju mužnaść», — źviarnuŭsia praź videa da hubiernatara kiraŭnik RDK Dzianis Kapuścin.
Hładkoŭ zajaviŭ, što bačyŭ zvarot «niahodnikaŭ, zabojcaŭ i fašystaŭ». «Nasamreč zajšli, idzie boj zaraz u Novaj Tavałžancy. Ja spadziajusia, što jany ŭsie buduć źniščanyja», — skazaŭ jon.
«Adzinaje, što spyniaje mianie ad pieramoŭ ź imi, — heta našy chłopcy, jakija znachodziacca ŭ ich rukach. Chutčej za ŭsio, jany ich zabili. Ale kali jany žyvyja, to aŭtamabilny punkt propusku Šabiekina. Harantuju biaśpieku», — dadaŭ Hładkoŭ.
Ale nijakich pieramoŭ u vyniku nie adbyłosia.
Kamientary