Biełaruskaja partyja «Zialonyja» padała ŭ Miniust dakumienty na pierarehistracyju bieź śpisa členaŭ
Pradstaŭnik «Zialonych» adznačyŭ, što na siońnia majecca supiarečnaść pamiž zakonami pra partyi i piersanalnymi danymi, a narmatyŭny pravavy akt, pavodle jakoha idzie pierarehistracyja, nie adpaviadaje Kanstytucyi.
Śpis členaŭ partyi ŭ dziaržorhan nie padavaŭsia. Surazmoŭca «Pozirka» patłumačyŭ heta tym, što ŭ adpaviednaści z zakonam «Ab abaronie piersanalnych danych» asabistyja źviestki, što tyčacca palityčnych pohladaŭ, «źjaŭlajucca śpiecyjalnymi piersanalnymi danymi», ich apracoŭka «biez zhody subjekta piersanalnych danych zabaraniajecca i nie moža być ažyćcioŭlena biez zhody ŭsich členaŭ partyi».
«My nie majem iluzij, što projdziem pierarehistracyju. Asnoŭny matyŭ, čamu padali dakumienty, — nie chočam samalikvidavacca. My chočam dajści da Viarchoŭnaha suda», — paviedamiła krynica ŭ partyi.
Pradstaŭnik «Zialonych» adznačyŭ, što na siońnia majecca supiarečnaść pamiž zakonami pra partyi i piersanalnymi danymi, a narmatyŭny pravavy akt, pavodle jakoha idzie pierarehistracyja, nie adpaviadaje Kanstytucyi.
Partyja choča davieści spravu da Viarchoŭnaha suda, kab sudździ «pryniali rašeńnie pa hetych pytańniach i praces byŭ hałosnym».
Raniej dakumienty na rehistracyju padała navastvoranaja partyja «Biełaja Ruś», praŭładnaja Kamunistyčnaja partyja Biełarusi. Paviedamlałasia, što budzie padavać dakumienty na rehistracyju partyja «Spraviadlivy śviet».
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary