Prezident Ukrainy Uładzimir Zialenski adkazaŭ, ci hatovy sustrecca z Uładzimiram Pucinym. Jon adznačyŭ, što heta moža adbycca tolki paśla vyvadu rasijskich vojskaŭ z Ukrainy. A taksama jon padzialiŭsia mierkavańniem, jakaja nastupnaja meta Rasii.
Kiraŭnik Ukrainy padkreśliŭ, što Pucin paźbiahaŭ kantaktu ź im na praciahu dvuch hadoŭ, navat telefonnych razmoŭ. Na dumku Zialenskaha, rasijskamu dyktataru niama čaho skazać, piša RBK-Ukraina.
«Pucin vyrazna ŭśviedamlaje, što jaho sproby na siłavym zachopie Ukrainy biassprečnyja. Dyk pra što ty možaš sa mnoj havaryć? Pucin tolki choča zachapić Ukrainu vajnoj i źniščyć ukrainskuju dziaržaŭnaść», — skazaŭ prezident Ukrainy.
Zialenski padkreśliŭ, što jamu było b ciažka havaryć z Pucinym da vyvadu rasijskich vojskaŭ z terytoryi Ukrainy. Akramia taho, prezident Ukrainy nazvaŭ nastupnuju metu rasijskaha dyktatara.
«Nastupnaja meta Pucina — Biełaruś», — dadaŭ Zialenski.
Apošni raz Uładzimir Zialenski i Uładzimir Pucin bačylisia na sustrečy lidaraŭ «narmandskaj čaćviorki» ŭ Paryžy ŭ śniežni 2019 hoda.
Ciapier pazicyja ŭkrainskaha prezidenta źmianiłasia. Uładzimir Zialenski adchilaje mahčymaść sustrečy z Pucinym da vyvadu rasijskich vojskaŭ. Kiraŭnik Ukrainy zajaviŭ, što choča ŭbačyć Pucina ŭ Mižnarodnym kryminalnym sudzie ŭ Haazie.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy20
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary