«Poŭny fejk». Ministr adukacyi pachvaliŭsia pośpiechami na centralizavanym ekzamienie i nie pryznaŭ ani najmienšych prablem
Ministr adukacyi Andrej Ivaniec prakamientavaŭ vyniki pieršaha centralizavanaha ekzamienu pa ruskaj i biełaruskaj movie. Pavodle jaho, usio dobra i nijakich prablem niama. Choć fakty śviedčać pra inšaje.
Ivaniec adznačyŭ vielmi vysoki ŭzrovień atrymanych bałaŭ, dziaciej, jakija atrymali acenki 8, 9 i 10, akazałasia bolš za 50%. Taksama, pavodle jaho, była vykananaja raniej zajaŭlenaja adpaviednaść testu CE bazavaj prahramie ŭstanoŭ ahulnaj siaredniaj adukacyi. Adznačyŭ jon i vialikuju kolkaść 100-balnikaŭ: bolš za 890 čałaviek sioleta pa ruskaj i biełaruskaj movie atrymali najvyšejšy bał.
U toj ža čas jon panarakaŭ na raspaŭsiudžvańnie «vialikaj kolkaść fejkaŭ, jakija tyčacca vynikaŭ pieršaha CE». Usie paviedamleńni, što kolkaść testavych bałaŭ u niekatorych asabistych kabinietach vypusknikoŭ składaje bolš za 100 bałaŭ, maŭlaŭ, praviaralisia, i nivodnaha fakta techničnaha zboju nie paćvierdziłasia. Infarmacyja pra toje, što buduć pierahledžanyja vyniki centralizavanaha ekzamienu i navat pryniataja adpaviednaja pastanova Savieta Ministraŭ, taksama «poŭny fejk».
Zmahacca z «fejkami» Ivaniec choča najbolš zručnym i dastupnym sposabam:
«Ministerstvam adukacyi budzie adsočvacca kožny vypadak raspaŭsiudžvańnia niedakładnaj infarmacyi, materyjały buduć nakiravanyja dla dačy acenki dziejańniam raspaŭsiudžvalnikaŭ fejkaŭ».
Miž tym dla vypusknikoŭ i ich baćkoŭ usio daloka nie tak biaschmarna. Viadoma, što vypuskniki skardzilisia na pamyłki ŭ vynikach, aburanyja školniki i ich baćki abryvali telefony Minadukacyi. A telekanał «Biełsat» apublikavaŭ videa, na jakim aburanyja baćki ŭ Respublikanskim instytucie kantrolu viedaŭ spračajucca z čynoŭnikam ad adukacyi.
Pry ciapierašniaj atmaśfiery ŭ krainie małavierahodna, što ludzi pajšli b publična aburacca, kab na heta nie było surjoznych padstaŭ.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ19
Kamientary