U škołach Viciebska, Oršy, Połacka i Navapołacka padoŭžany karancin pa hrypie
U čatyroch kantrolnych haradach Viciebskaj vobłaści — Viciebsku, Oršy, Połacku i Navapołacku — da kanca hetaha tydnia padoŭžany karancinnyja mierapryjemstvy ŭ škołach i lačebnych ustanovach,paviedamili ŭ Viciebskim abłasnym centry hihijeny, epidemijałohii i hramadskaha zdaroŭja.
Heta zroblena na padstavie rašeńniaŭ upraŭleńnia achovy zdaroŭja Viciebskaha abłvykankama i hałoŭnaha sanitarnaha ŭrača vobłaści.
Pavodle źviestak abłasnoha centra hihijeny, epidemijałohii i hramadskaha zdaroŭja, z 1 pa 15 listapada ŭ vobłaści dyjahnaz «hryp» i «VRVI» byŭ pastaŭleny 60.602 chvorym, ź jakich 28.133 (42,9%) — dzieci. Špitalizavanyja 1.751 čałaviek, ź ich 54,8% — dzieci.
U Viciebsku, Oršy, Połacku i Navapołacku škoły znachodziacca na karancinie ŭžo amal dva tydni. Pieršy raz karancinnyja mierapryjemstvy ŭ kantrolnych haradach rehijona byli abjaŭlenyja z 4 pa 10 listapada, zatym jany byli padoŭžanyja da 15 listapada.
16 listapada ŭ škołach byŭ zvyčajny navučalny dzień, ale ŭ druhoj pałovie dnia školnikam paviedamili ab padaŭžeńni kanikuł.
Kamientary