Rekordnaja dla Małdovy kolkaść demanstrantaŭ sabrałasia na schod u padtrymku jeŭraintehracyi
U Vialikim jeŭrapiejskim schodzie, jaki prachodziŭ siońnia ŭ centry Kišyniova, pryniali ŭdzieł ad 75 da 80 tysiač čałaviek, piša NewsMaker sa spasyłkaj na palicyju.
Pres-sakratar Hieninśpiektarata palicyi Dyjana Fietka paćvierdziła NewsMaker hetuju ličbu i zaznačyła, što pravaachoŭniki, jakija zabiaśpiečvali paradak na mierapryjemstvie, nie zarehistravali nivodnaha incydentu.
21 maja ŭ centry Kišyniova adbyŭsia Vialiki jeŭrapiejski schod, abvieščany prezidentkaj Majaj Sandu. Pierad prysutnymi vystupiła sama kiraŭnica dziaržavy, a taksama kiraŭnica Jeŭraparłamienta Rabierta Mietsoła, jakaja prybyła ŭ Małdovu śpiecyjalna dla hetaha.
Udzielniki schodu pryniali rezalucyju ŭ padtrymku jeŭrapiejskaj intehracyi Małdovy.
U dakumiencie zaznačajecca, što Małdova imkniecca stać paŭnapraŭnaj častkaj Jeŭrasajuza, jaki moža harantavać stabilnaść i dazvolić realizavać jaje patencyjał.
Udzielniki zboru taksama zaklikali ŭsie palityčnyja siły krainy padtrymać jeŭrapiejski kurs krainy. Dla hetaha, na dumku mitynhoŭcaŭ, nieabchodna prapisać u Kanstytucyi Małdovy jaje metu ŭstupić u ES, zabiaśpiečyć bolš chutki pačatak pierahavoraŭ ab ustupleńni ŭ sajuz, a taksama padtrymać umacavańnie dziaržstruktur dla dasiahnieńnia hetaj mety.
U minułyja miesiacy ŭ Kišyniovie prachodzili masavyja akcyi prarasijskich siłaŭ, adnak jany źbirali mienš za 10 tysiač čałaviek.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam42
Kamientary