Padsankcyjnaja dačka Łaŭrova pryjechała ŭ Hruziju, kab pahulać na viasielli — ŚMI
Dačka ministra zamiežnych spraŭ Rasii Kaciaryna Vinakurava (Łaŭrova) mahła pryjechać u Hruziju dla ŭdziełu ŭ viasielli brata svajho muža, rasijskaha pradprymalnika Alaksandra Vinakurava. Pra heta paviedamiŭ hruzinski apazicyjny telekanał Mtavari, spasyłajučysia na krynicy.
Telekanał śćviardžaje, što brat Vinakurava vyrašyŭ adhulać svajo viasielle ŭ Kachietyi — histaryčnym krai na ŭschodzie Hruzii.
Brat ziacia kiraŭnika MZS Rasii nibyta raśpisaŭsia ŭ Tbilisi, paśla čaho vyrašyŭ zładzić śviatkavańnie ŭ piacizorkavym hateli Kvareli Lake Resort, z-za čaho jaho nibyta zakryli na dva dni dla pryjomu pastajalcaŭ.
Žurnalist Mtavari patelefanavaŭ u Kvareli Lake Resort, nazvaŭšysia kurjeram kvietkavaj kramy. Jon skazaŭ, što na imia Łaŭrovaj-Vinakuravaj zamoŭlena dastaŭka bukieta i paprasiŭ udakładnić, ci prybyła ŭžo hościa na miesca.
Mtavari śćviardžaje, što pradstaŭnik hatela paprasiŭ pačakać dla ŭdakładnieńnia, paśla čaho paćvierdziŭ, što bukiet možna adpraŭlać. Paśla hetaha kanał zrabiŭ vysnovu, što dačka ministra zamiežnych spraŭ RF sapraŭdy znachodzicca ŭ haścinicy.
U paćviardžeńnie svaich słoŭ Mtavari vykłaŭ videa z cyrymonii rośpisu svajakoŭ Łaŭrova ŭ Tbilisi, praŭda, nizkaj jakaści.
U svaju čarhu Kvareli Lake Resort zajaviŭ, što naviedvalnikaŭ z proźviščam «Łaŭroŭ» u ich niama, abvinavaciŭšy žurnalistaŭ u dezynfarmacyi.
Abvierhli infarmacyju ab mahčymym znachodžańni dački abo ziacia Łaŭrova i ŭ inšym hateli — Akhasheni Wine Resort & Spa, dzie, pavodle infarmacyi Mtavari, mahła spynicca častka haściej.
Ministr unutranych spraŭ Hruzii Vachtanh Hamiełaury i siabry kiroŭnaj partyi «Hruzinskaja mara» nijak nie kamientujuć infarmacyju pra vizit u krainu svajakoŭ Łaŭrova. Niekalki hruzinskich ŚMI nakiravali zapyty ŭ MUS i čakajuć udakładnieńnia infarmacyi.
Miž tym, pavodle źviestak hruzinskaj słužby «Radyjo Svaboda», kala Kvareli Lake Resort płanujecca pratest, da miesca ściahnuty siły palicyi.
Členy siamji kiraŭnika MZS RF Siarhieja Łaŭrova, jak i jon sam, zaniesieny ŭ sankcyjnyja śpisy Zachadu. Im zabaraniajecca ŭjezd u hetyja krainy. Hruzija, jak viadoma, dałučyłasia da hetych sankcyj, ale admoviłasia ŭvodzić pramyja ekanamičnyja sankcyi suprać RF, nahadvaje «Ukrainskaja praŭda».
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary