Hramadstva3838

Ihar Sierhiejenka nie ličyć Kaściušku i Kalinoŭskaha nacyjanalnymi hierojami Biełarusi

Sapraŭdnyja hieroi — heta dziejačy Vialikaj Ajčynnaj vajny abo hieroi sučasnaj Biełarusi, jak lotčyki, što zahinuli ŭ naš čas. Pra heta kiraŭnik łukašenkaŭskaj Administracyi raskazaŭ u intervju Sb.by.

Kiraŭnik łukašenkaŭskaj Administracyi Ihar Sierhiejenka. Fota: «Naša Niva»

«Z hierojami Vialikaj Ajčynnaj usio vielmi jasna. Heta aznačaje, što ŭ nas jość histaryčna vyvieranaja sistema kaštoŭnaściaŭ, jak addanaść Ajčynie, luboŭ da rodnaj ziamli, hatoŭnaść stać na abaronu svajho naroda i hetak dalej. Heta značyć, my možam kazać pra kryteryi akreśleńnia nacyjanalnaha hieroja. Heta čałaviek, jaki ŭ ciažki pieryjad (jak hieroi Vialikaj Ajčynnaj vajny) abo ŭ krytyčnaj situacyi (jak našy lotčyki, Hieroi Biełarusi, Uładzimir Karvat, Andrej Ničyporčyk, Mikita Kukanienka) robić nievierahodna mužny vybar. Achviaruje abo ryzykuje svaim žyćciom, abaraniajučy rodnuju ziamlu, ludziej. Ci samaaddana žyvie, addajučy ŭsiaho siabie vysakarodnaj idei, jakaja słužyć na karyść, akcentuju, svajho naroda, jak savieckija Hieroi Sacyjalistyčnaj Pracy, Hieroj Biełarusi Mitrapalit Fiłaret», — miarkuje Ihar Sierhiejenka.

A voś kiraŭnika paŭstańnia 1794 hoda Tadevuša Kaściušku jon hierojem nie ličyć.

«Skažam, ci možna nazvać nacyjanalnym hierojem Kaściušku? Asoba jarkaja. Byŭ vysakarodny. Samaaddana słužyŭ idei.

Ale hetaja ideja nie była biełaruskaj. Tak, my nie možam vykraślić jaho sa svajoj historyi, heta suprać našych pryncypaŭ.

Ale pavinny dakładna vyznačyć jaho rolu ŭ joj, kab, jak vy pravilna zaŭvažyli, našy dzieci razumieli, na kaho raŭniacca. Tamu što sfalsifikavany vobraz nacyjanalnaha hieroja zdolny ŭ roŭnaj stupieni jak abjadnać, tak i raskałoć hramadstva», — kaža kiraŭnik Administracyi.

Taksama jon nie ličyć hierojem i Kastusia Kalinoŭskaha.

«Prykład tamu — stvorany ŭ savieckaj histaryjahrafii mif pra Kalinoŭskaha. My ŭbačyli na svaje vočy, jak niebiaśpiečna skažać fakty ci chavać častku praŭdy. Savieckaje pakaleńnie vyrasła na prykładzie hieraičnaj baraćby revalucyjaniera Kalinoŭskaha z caryzmam. A siońnia na asobie hetaha tak zvanaha hieroja, na prykładzie jaho baraćby za ideju adnaŭleńnia polskaj Rečy Paspalitaj ihraje źniešni vorah, sprabujučy ŭbić klin pamiž brackimi narodami, raskałoć hramadstva ŭnutry adnoj krainy.

U paŭstancaŭ, u samoha Kalinoŭskaha jość słovy: «polskaja sprava — naša sprava». I jon sam u adnym z «Listoŭ z-pad šybienicy» piša, što paŭstańnie heta polskaje. Ni ŭ koha sumnieńnia nie było, što heta budzie Polšča. Mahčyma, fiederacyja. Ale ni ŭ adnym prahramnym dakumiencie paŭstańnia havorka pra niezaležnaść Biełarusi ci Litvy nie viałasia.

Apublikavanyja padrabiaznaści źvierskich raspraŭ kalinoŭcaŭ ź biełaruskim pravasłaŭnym nasielnictvam užo mnohich praćvierazili. Vyrazali ludziej za niežadańnie padtrymlivać Polskaje paŭstańnie, heta značyć za pazicyju, za viernaść svajoj identyčnaści», — śćviardžaje Ihar Sierhiejenka.

U hetym kiraŭnik łukašenkaŭskaj Administracyi tranśluje idei rasijskaha prapahandysta Alaksandra Dziukava, zaŭvažaje reform.by.

Taksama Sierhiejenka nie ličyć hierojem navukoŭca Barysa Kita, zakidajučy jamu spačatku supracoŭnictva ź niemcami, a potym z amierykancami — «vorahami savieckaha naroda».

«My možam hanarycca tym, što na našaj ziamli naradžajucca hienii. Ale, naprykład, ci nazaviom my svaim nacyjanalnym hierojem talenavitaha navukoŭca, jaki supracoŭničaŭ u hady akupacyi ź niemcami, paśla vajny žyŭ i pracavaŭ u ZŠA? Nie prosta pracavaŭ. U samy razhar chałodnaj vajny ŭdzielničaŭ u raspracoŭkach paliva dla kaśmičnych karabloŭ i rakiet, jakija byli nakiravany na jaho radzimu».

«Patrebnyja dakładnyja kryteryi acenki ŭkładu asoby ŭ historyju svajoj krainy i markiery niedatyčnaści da hetaj historyi, jak fakty słužeńnia intaresam inšych dziaržaŭ. Tolki tak možna farmavać panteon nacyjanalnych hierojaŭ», — reziumavaŭ Ihar Sierhiejenka.

Kamientary38

  • Narod
    17.05.2023
    Jarkij primier pričin, počiemu SSSR razvaliłsia.
  • Prostaja praŭda
    17.05.2023
    Ihar Sierhiejenka nie biełaruski — jon saviecki.
  • Yj
    17.05.2023
    My vas usłyšali, vašie mnienije očień važno dla nas. Vot čiestnoje słovo, važnieje dažie čiem mnienija taksistov ili vachtierov s hardierobŝikami.

Ciapier čytajuć

Jeŭrasajuz rychtuje poŭnuju zabaronu apieracyj ź biełaruskimi bankami1

Jeŭrasajuz rychtuje poŭnuju zabaronu apieracyj ź biełaruskimi bankami

Usie naviny →
Usie naviny

Hurt «Drazdy» pakidaje scenu i vinavacić u hetym «hipieraktyŭnych błohieraŭ»9

Dziaržaŭnyja kanały Biełarusi vydajuć sutyčki ŭ Łos-Andželesie za «razhon mitynhoŭcaŭ»5

U Homieli mužčyna dapamoh danieści chvoraha da mašyny chutkaj dapamohi, a ŭ pracesie abakraŭ jaho1

RPC aśviaciła charuhvu HUBAZiKa FOTAFAKT4

Izrail aficyjna pryznaŭ, što pieradaje Ukrainie sistemy SPA

«Vyjšła ŭ les, kryčała i płakała». Palitźniavolenaja rasijanka z vokładki «KP» raskazała pra svajo źniavoleńnie i departacyju2

Za zdymki na vakzale ŭ viciebskim SIZA trymajuć aršanca Jaŭhiena Bodrykava2

«Praca ciažkaja, ale plon natchniaje». Sioletni kłubničny siezon praciahniecca daŭžej, čym zvyčajna

Na Ziamli jość niabačnaja miaža, jakuju žyvioły nie pierasiakajuć. Voś čamu2

bolš čytanych navin
bolš łajkanych navin

Jeŭrasajuz rychtuje poŭnuju zabaronu apieracyj ź biełaruskimi bankami1

Jeŭrasajuz rychtuje poŭnuju zabaronu apieracyj ź biełaruskimi bankami

Hałoŭnaje
Usie naviny →

Zaŭvaha:

 

 

 

 

Zakryć Paviedamić