Vosiem čałaviek aryštavali paśla napadu na trajuradnaha plamieńnika pieršaj łedzi Francyi Bryžyt Makron u paniadziełak paśla telezvarotu prezidenta Francyi. Žana-Batysta Trańje źbili antyŭradavyja pratestoŭcy ŭ paŭnočnym horadzie Amjen, piša Bi-bi-si.
Jon atrymaŭ udary pa hałavie, rukach i nahach i ciapier čakaje vynikaŭ abśledavańniaŭ.
Na jaho napali kala siamiejnaj kramy šakaładu, jakaja nieadnarazova stanaviłasia mišeńniu pratestoŭcaŭ.
Miascovaja palicyja paviedamlaje, što paśla napadu aryštavana vosiem čałaviek.
Złamyśniki ŭciakli ź miesca zdareńnia paśla ŭmiašańnia susiedziaŭ, jakija chacieli spynić ich.
Brydžyt Makron zajaviła ahienctvu AFP u aŭtorak, što jana całkam salidarnaja sa svajoj siamjoj, i asudziła napad za «bajaźlivaść, hłupstva i hvałt».
«Ja nieadnarazova asudžała hvałt, jaki moža pryvieści tolki da horšaha», — skazała jana.
Baćka Žana-Batysta Trańje, Žan-Alaksandr Trańje, zajaviŭ francuzskim ŚMI, što tyja, chto napadaŭ, «pierastupili rysu» i abrazili «prezidenta, jaho žonku i našu siamju».
Staršynia Respublikanskaj partyi Eryk Čoci asudziŭ napad i zaklikaŭ pakarać napadnikaŭ.
«Tak — demakratyčnym debatam, nie — hvałtu i teroru», — napisaŭ jon u tvitary.
Siamja Brydžyt Makron užo šeść pakaleńniaŭ kiruje kramaj šakaładu Jean Trogneux u Amjenie.
Siamiejny biznes siamji Trańje, u jakoj jość kramy pa ŭsioj paŭnočnaj Francyi, nieadnarazova stanaviŭsia mišeńniu pratestoŭcaŭ z tych časoŭ, jak Makron staŭ prezidentam, na fonie čutak pra toje, što siamja prezidenta maje finansavy intares u kampanii, što siamja Trańje admaŭlała.
Žan-Alaksandr Trańje skazaŭ, što nie razumieje, čamu jaho siamiejny biznes staŭ mišeńniu złamyśnikaŭ.
«Emaniuel Makron nie maje nijakaha dačynieńnia da našaha biznesu, — skazaŭ jon. — Ja nie razumieju ŭsich hetych ludziej, jakija praciahvajuć nas turbavać. Niekatoryja ź ich navat zaklikajuć da bajkotu našych kram i praduktaŭ».
Makron sutyknuŭsia z adnymi z najbujniejšych demanstracyj apošniaha času z-za reformy piensijnaj sistemy, zhodna ź jakoj płanujuć pavysić piensijny ŭzrost z 62 da 64 hadoŭ.
Biesparadki pryviali da padpału adnaho ź lubimych restaranaŭ prezidenta ŭ Paryžy, a taksama da napadaŭ na ofisy miascovych i nacyjanalnych palitykaŭ.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»24
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1414
Kamientary