Biełarusaŭ, jakija adkryli biznes za miažoj, padtrymali hrašyma
Asacyjacyja biełaruskaha biznesu za miažoj (ABBA) vyznačyła pieramožcaŭ premii «Biznes volnaj Biełarusi». Piać kampanij ź biełaruskimi karaniami atrymała pa piać tysiač jeŭra. Sponsaram uznaharody staŭ Jeŭrasajuz, jašče adnu naminacyju hrašyma padtrymaŭ sustvaralnik płatformaŭ «Hołas» i «Novaja Biełaruś» Pavieł Libier, paviedamlaje «Biełsat».
Za ŭznaharody pieršaj premii, abvieščanaj ABBA dziela padtrymańnia biełaruskich biznesoŭcaŭ, jakija paśla 2020-ha apynulisia za miažoj, vykazała žadańnie pazmahacca 70 kampanij z roznych śfier — ad budaŭničych pradpryjemstvaŭ da buchhałtarskich kabinietaŭ i dyzajnierskich biuro.
Paśla prośby zapoŭnić ankietu zastałosia čatyry dziasiatki, ź jakich mižnarodnaje žury abrała finalistaŭ. Dziela biesstaronnaści arhanizatary paklikali ŭ kamisiju tolki adnu biełarusku — Palinu Prysmakovu z Fłarydskaha atłantyčnaha ŭniviersiteta.
«Heta nie byŭ konkurs startapaŭ, — raspaviała Prysmakova padčas cyrymonii. — U adkazach ankiety my šukali, pa-pieršaje, nakolki biznes biełaruski, a jahonyja kaštoŭnaści supadajuć z kaštoŭnaściami ABBA jak asacyjacyi. Pa-druhoje, nakolki biznes etyčny».
Da finału dabrałasia 12 kampanij, siarod jakich byli łahistyčnaja, prajektant adzieńnia i raspracoŭščyk mabilnaha dadatku pra ajurviedu. Pieramožcami ŭ tym liku stali animacyjnaja mini-studyja ź Vilni, kvietkavaja internet-krama z Estonii, kaviarnia z polskaj Poznani i klininhavaja kampanija Cleanwhale. Apošniaja kampanija, adkrytaja bratami Ivanam i Iljoj Šyłami jašče ŭ Biełarusi, paśla 2020-ha pačała pracavać u Jeŭropie, i, miarkujučy pa šmatlikich intervju jaje zasnavalnikaŭ, vielmi paśpiachova.
Uznaharodu Cleanwhale ŭručaŭ biełaruski pradprymalnik z ZŠA Vital Samsonaŭ, jaki patłumačyŭ, što dla biełaruskich firmaŭ zaraz nadzvyčaj važnyja dźvie rečy: vyjści na mižnarodny rynak i zastacca biełarusami dy zachavać nacyjanalnuju identyčnaść, kab padtrymać biełaruskuju spravu.
Nieŭzabavie litara «A» ŭ naźvie Asacyjacyi biełaruskaha biznesu za miažoj nie budzie patrebnaja, a biełarusy viernucca na radzimu i praciahnuć svaju spravu tam, dadaŭ Samsonaŭ.
U svajoj asabistaj partniorskaj naminacyi Pavieł Libier abraŭ miedyka-kaśmietałahičny kabiniet, adkryty biełarusami ŭ Polščy.
Pavodle słoŭ vice-prezidentki ABBA Maryny Hiryn, zajavak z Polščy žury atrymała najbolš.
Čalec žury Jakub Droždž ź Instytuta ekanamičnaj dypłamatyi pryznaŭsia «Biełsatu», što taki stały pryrost firmaŭ ź biełaruskim kapitałam — jak hrašovym, hetak i ludskim — staŭ asabliva naziracca paśla zapusku Polščaj prahramy Poland Business Harbour, spačatku pryśviečanaj Biełarusi, a paźniej i inšym krainam za ŭschodniaj miažoj.
«Biełarusy chutka intehrujucca z polskim hramadstvam. Jany vyvučajuć praviły viadzieńnia biznesu, vielmi chočuć tut pracavać i sustrakajuć pryjaznych palakaŭ, jakija im dapamahajuć. Što patrebna biełarusam? Napeŭna, śpiecyjalnyja prahramy, jakija buduć dapamahać paznavać polskaje prava, sistemu padatkaŭ i toje, jak možna chutka pieranieści biznes u Polšču», — kaža jon.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
Pośpiech pośpiecham pahaniaje!