Polskaja Kamisija standartyzacyi hieahrafičnych nazvaŭ za miežami krainy pryniała rašeńnie ab źmienie nazvy Kalininhrada. Zaraz u Polščy aficyjna rekamiendujecca nazyvać jaho na polskaj movie Kruleviec, a Kalininhradskuju vobłaść — Krulavieckaj, paviedamlaje Reform.by.
Źmieny ŭstupili ŭ siłu 9 maja. U abhruntavańni rašeńnia kamisii adznačajecca, što sučasnaja nazva horada «štučnaja». Nazva horada ŭ honar Michaiła Kalinina ŭ Polščy ŭsprymajecca emacyjna i nosić niehatyŭny charaktar. U vyniku pryniata rašeńnie viarnuć horadu histaryčnuju nazvu, jakaja isnavała ŭ polskaj tradycyi da siaredziny minułaha stahodździa, kali Kionihśbierh pa vynikach Druhoj suśvietnaj vajny adyšoŭ da SSSR i byŭ uklučany ŭ skład RSFSR.
U rašeńni kamisii taksama zhadvajecca, što padziei, źviazanyja z rasijskim napadam na Ukrainu, z naviazvańniem «ruskaha śvietu», viadzieńniem RF infarmacyjnaj vajny, dazvalajuć inakš pahladzieć na nazvu horada.
«Kožnaja dziaržava maje prava vykarystoŭvać u svajoj movie tradycyjnyja nazvy, jakija padkreślivajuć jaje kulturnuju spadčynu, i nie moža być razam z tym prymušana da vykarystańnia ŭ svajoj movie nazvaŭ, što joj nie prymajucca», — adznačajecca ŭ paviedamleńni.
Pa-biełarusku Kionihśbierh taksama raniej nazyvali Karaleŭcam.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
niama
heta praŭda?
łatuška ŭžopalak?
tut da babki nie chadzi)