Eks-kiraŭniku tvorčaj supołki «Pahonia» mastaku Hienadziu Drazdovu prysudzili 3 hady kałonii
Drazdova abvinavačvali pa č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i č. 1 art. 361-4 (sadziejničańnie ekstremisckaj dziejnaści) Kryminalnaha kodeksa.
Byłomu kiraŭniku tvorčaha abjadnańnia «Pahonia» Biełaruskaha sajuza mastakoŭ 64-hadovamu Hienadziu Drazdovu prysudzili 3 hady pazbaŭleńnia voli, paviedamiła «Radyjo Svaboda» sa spasyłkaj na BPN.
Taki vyrak 4 maja ŭ Minskim haradskim sudzie ahučyŭ sudździa Jaŭhien Pisarevič. Padrabiaznaści nieviadomyja.
Praces nad mastakom pačaŭsia 2 maja. Drazdova abvinavačvali pa č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i č. 1 art. 361-4 (sadziejničańnie ekstremisckaj dziejnaści) Kryminalnaha kodeksa.
Pra zatrymańnie mastaka ŭ siaredzinie žniŭnia 2022 hoda tady paviedamiła Biełaruskaja rada kultury. Akramia taho, u adnym z praŭładnych telehram-kanałaŭ zjaviŭsia videazapis z Drazdovym i paviedamleńnie, što zatrymali «tvorčuju asobu», jakaja prybyła z Ukrainy.
U jaho siłaviki nibyta vyjavili sumiesnyja fotavyjavy z ukrainskimi vajskoŭcami. Akramia taho, śćviardžałasia, što ŭ 2020 hodzie mastak nibyta «braŭ niepasredny ŭdzieł u błakavańni daroh, razmaŭlaŭ z radykalna nastrojenymi apazicyjanierami, raspracoŭvajučy płany akcyj «pramoha dziejańnia».
Na videazapisie Drazdoŭ skazaŭ, što «zatrymany supracoŭnikami milicyi nieviadoma za što». Na kadrach z kvatery mastaka byli vidać nievialikija nacyjanalnyja ściahi i bieła-čyrvona-biełyja stužki, raskidanyja knihi i karcina ź viadomaj aktyvistkaj Ninaj Bahinskaj.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ6
Kamientary