«Simvał ahresii». U Małdovie buduć štrafavać za hieorhijeŭskija stužki
Palicyja Małdovy budzie štrafavać za našeńnie hieorhijeŭskaj stužki 9 maja, bo Rasija vykarystoŭvaje jaje jak simvał ahresii suprać Ukrainy. Pra heta zajaviŭ kiraŭnik Hienieralnaha inśpiektarata palicyi Vijareł Čarnieŭcanu, paviedamlaje NewsMaker.
«My ŭsie viedajem, što hetaja stužka źjaŭlajecca simvałam vajennaj ahresii na terytoryi Ukrainy. Adšturchoŭvajučysia ad rekamiendacyj Vieniecyjanskaj kamisii, jakaja vielmi vyrazna kanstatavała, što dziejańni ŭładaŭ Respubliki Małdova źjaŭlajucca apraŭdanymi, tamu što demanstracyja simvałaŭ, jakija vykarystoŭvaje armija RF u ciapierašniaj vajnie, moža stvaryć niebiaśpieku biesparadkaŭ i pahrozu nacyjanalnaj biaśpiecy. Heta značyć, hieorhijeŭskaja stužka ciapier źjaŭlajecca simvałam vajennaj ahresii», — skazaŭ Černieŭcanu.
«Što aznačaje, što ŭ Małdovie zabaronienaja vytvorčaść, vykarystańnie, raspaŭsiudžvańnie i našeńnie hetaha simvała», — dadaŭ jon.
Čarnieŭcanu papiaredziŭ, što palicyja budzie fiksavać i vyvučać kožnaje parušeńnie zakona ab zabaronie na našeńnie hieorhijeŭskaj stužki.
Jon adznačyŭ, što dazvolena nasić hieorhijeŭskuju stužku tolki tady, kali jana źjaŭlajecca častkaj miedala.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim8
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary