Za dyviersanta — uznaharoda. Ułady ŭzmacniajuć patrulavańnie i inšyja miery biaśpieki na čyhuncy — Supolnaść čyhunačnikaŭ
Z-za padryvaŭ na čyhuncy ŭ Branskaj vobłaści, dzie 1 maja puścili pad adchon biełaruski ciahnik, ułady prymajuć dadatkovyja miery biaśpieki na BČ, paviedamlaje kanał «Supolnaść čyhunačnikaŭ Biełarusi».
Pavodle infarmacyi telehram-kanała, na achovu čyhunačnaj infrastruktury Biełarusi nakiravany dadatkovyja resursy.
Tak, dla niepasrednaj achovy zadziejničajuć siły vojskaŭ — ad pahraničnych da sił śpiecyjalnych apieracyj. Z učarašniaha dnia atrady z poŭnačy Biełarusi nakiroŭvajucca ŭ Bresckuju vobłaść dla akazańnia dapamohi pa achovie infrastruktury, śćviardžaje kanał.
Asablivaja ŭvaha budzie nadadziena čyhunačnym mastam. Taksama budzie pravodzicca patrulavańnie tych učastkaŭ, dzie niemahčyma ažyćciaŭlać dystancyjny kantrol srodkami videanazirańnia. Na rejkach buduć šukać staronnija pradmiety.
Rabotnikaŭ čyhunki dadatkova infarmujuć pra pilnaść i nieabchodnaść paviedamlać ab prysutnaści pablizu čyhunki starońnich abo padazronych asob. Apisvajucca mahčymyja prykmiety, pa jakich možna vyznačać patencyjnaha dyviersanta.
Za vyjaŭleńnie takich asob prapanujecca ŭznaharodžańnie, śćviardžaje kanał čyhunačnikaŭ.
«Nieabchodnaść takich mierapryjemstvaŭ abumoŭlena vysokaj imaviernaściu mahčymych dyviersij na BČ, uličvajučy fakt zadziejničańnia jaje infrastruktury dla pieravozki rasijskaha ŭzbrajeńnia, techniki, bojeprypasaŭ i asabovaha składu», — piša kanał.
Učora Alaksandr Łukašenka čarhovy raz sabraŭ naradu siłavoha błoka. Jana adbyvałasia, jak paviedamlajuć dziaržaŭnyja ŚMI, pad hryfam «absalutna sakretna», ale viadoma, što tam abmiarkoŭvali, jak zmahacca z dyviersantami.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary