«Rejkavaha partyzana» Vitala Mielnika etapavali ŭ samuju surovuju ŭ Biełarusi kałoniju
Pravaabaroncam stała viadoma, što «rejkavaha partyzana» Vitala Mielnika etapavali ŭ hłybockuju kałoniju № 13, dzie ciapier znachodzicca palitźniavoleny palityk Mikałaj Statkievič.

Vitala Mielnika abvinavacili pa šerahu kryminalnych artykułaŭ. 22 śniežnia na zakrytym sudzie jamu prysudzili 13 hadoŭ kałonii asablivaha režymu. Asablivy režym praduhledžvaje kamiernaje ŭtrymańnie ŭ kałonii.
Zhodna z materyjałami spravy, u noč z 24 na 25 sakavika 2022 hoda na pierahonie Navasady — Barysaŭ Mielnik padpaliŭ relejnuju šafu śviatłafora aŭtamatyčnaha błakavańnia, čym pryvioŭ u nieprydatny dla ekspłuatacyi stan jaho prybory i elemienty. U vyniku hetaha adbyłasia zatrymka 22 hruzavych i 17 pasažyrskich ciahnikoŭ.
Pry zatrymańni biełarusu prastrelili kalennyja sustavy, jon dahetul pierasoŭvajecca na mylicach.
Kamientary