Piensijanierku z Marjinaj Horki abduryli bolš čym na 60 tysiač dalaraŭ machlary ź Mieksiki
Žycharka Puchavickaha rajona straciła 157 tysiač biełaruskich rubloŭ paśla zvanka machlaroŭ, paviedamiŭ Śledčy kamitet.

Paviedamlajecca, što 69-hadovaj biełaruskaj piensijaniercy, jakaja žyvie ŭ Marjinaj Horcy, patelefanavali 1 lutaha nibyta sa «słužby biaśpieki banka». Ašukancy skazali, što chočuć papiaredzić žančynu pra toje, što nieviadomyja sprabujuć uzłamać rachunak jaje bankaŭskaj karty.
Biełaruska spałochałasia i pavieryła kožnamu słovu machlaroŭ, a taksama raskazała, što akramia hetaj bankaŭskaj karty maje i inšyja depazitnyja rachunki na bujnyja sumy.
Machlary «pracavali» ź piensijanierkaj amal 3 miesiacy, pastajanna viali ź joj telefonnuju pierapisku. Uvieś hety čas biełaruska vykonvała ŭsie ich ukazańni. Jana pastaviła na svoj smartfon virusnuju prahramu addalenaha dostupu, nazvała łahin i parol ad internet-bankinha. U vyniku ašukancy zmahli vykraści ŭ piensijanierki amal 157 tysiač rubloŭ.
Kali žančyna zaŭvažyła, što straciła ŭsie svaje aščadžeńni, jana źviarnułasia ŭ milicyju. Tam vyjavili, što machlary telefanavali paciarpiełaj z numara, jaki naležyć sotavamu apierataru Mieksiki. Pa hetym fakcie zaviali kryminalnuju spravu za kradziež majomaści šlacham madyfikacyi kampjutarnaj infarmacyi, ździejśnieny ŭ asabliva bujnym pamiery (č. 4 art. 212 Kryminalnaha kodeksa Biełarusi).
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary