(Razanovič: ) «Siońnia daktary paviedamili, što, pavodle stanu zdaroŭja, ja atrymaju invalidnaść. U mianie chvoryja nyrki, piečań i sielazionka... Ja prašu, kab tak i paviedamili. Niachaj čynoŭniki pačujuć. Kožny miesiac ja płaču 1 miljon 230 tysiač rubloŭ u vyhladzie roznych padatkaŭ i zboraŭ. Čym ja zavinavaciłasia dziaržavie? Chto adkaža za stratu zdaroŭja? Niachaj čujuć i viedajuć.
Siońnia specyjalna dla Radyjo Svaboda ŭdzielnica akcyi pratestu ŭładalnikaŭ i kiroŭcaŭ maršrutnych taksi ŭ Bieraści Luboŭ Razanovič zajaviła nastupnaje:
(Razanovič: ) «Siońnia daktary paviedamili, što, pavodle stanu zdaroŭja, ja atrymaju invalidnaść. U mianie chvoryja nyrki, piečań i sielazionka... Ja prašu, kab tak i paviedamili. Niachaj čynoŭniki pačujuć. Kožny miesiac ja płaču 1 miljon 230 tysiač rubloŭ u vyhladzie roznych padatkaŭ i zboraŭ. Čym ja zavinavaciłasia dziaržavie? Chto adkaža za stratu zdaroŭja? Niachaj čujuć i viedajuć.
Kali mianie j nadalej buduć pieraśledavać, – ja adrazu ž adnaŭlu suchuju haładoŭku j budu prasić palityčnaha prytułku ŭ inšaj krainie. U Biełarusi sumlennym pradprymalnikam žyć niemahčyma. Niaŭžo nielha było vyrašyć našy pytańni ciaham dvuch tydniaŭ?
Siońnia ja pierapyniaju haładoŭku. I maja hrupa padtrymki – Viktar Čajkoŭski, Viačasłaŭ Kucharčuk, Trafim Bahdasaran i jahonaja žonka Taciana, Halina Bareckaja – taksama».
Biesterminovaja haładoŭka pačałasia ŭ Bieraści 5 lipienia. Da siońnia ŭ joj ŭdzielničali 14 čałaviek: uładalniki maršrutnych taksi, kiroŭcy, a taksama ichnyja svajaki j dva indyvidualnyja pradprymalniki. Udzielniki akcyi pratestavali suprać traktoŭki Ŭkazu prezydenta № 140 ad 22 sakavika 2004 hodu ab respublikanskim zbory za ŭvoz transpartnych srodkaŭ u kamercyjnych metach. Sprava ž u tym, što svaje maršrutki jany nabyli da taho, jak vyšejpamianiony Ŭkaz nabyŭ siłu.
2 žniŭnia ŭdzielnica haładoŭki Ł.Razanovič źviarnułasia da prezydenta krainy z adkrytym listom, u jakim prasiła «praduchilić čałaviečuju trahiedyju j dapamahčy». Ranicaj 8 žniŭnia jana była dastaŭlena ŭ Centralnuju haradzkuju lakarniu Bieraścia.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary