U Maskvie rasijanin chacieŭ zdać amierykancaŭ u palicyju. A amierykancy zdali jaho
Pasažyr maskoŭskaha mietro pasprabavaŭ zatrymać byłoha marpiecha ZŠA i žurnalista Džona Duhana, kab zdać jaho palicyi. Jaho aburyła, što zamiežnik niešta kazaŭ pra Danbas.
44-hadovaha Alaksieja aburyła kampanija ź piaciarych amierykancaŭ, jakija jechali ź im u vahonie. Mužčyny pra niešta zachoplena havaryli na anhlijskaj, i pa chodzie hutarki, jak zdałosia pasažyru, praskočyła niešta pra Danieck i Danbas. Tady Alaksiej pasprabavaŭ schapić adnaho ź ich — Džona Duhana, papiarednie ŭdaryŭšy jaho pad dych, piša telehram-kanał «Baza»
Praŭda, zatrymać varožaha ahienta ŭ rasijanina nie vyjšła. Čaćviora inšych amierykancaŭ skrucili samoha Alaksieja, a potym usie razam jany adpravilisia ŭ pastarunak. Tam Džon i patłumačyŭ, što jon nijaki nie špijon, a zvyčajny žurnalist. U vyniku kanflikt z aktyŭnym hramadzianinam chutka ŭładzili i baki razyšlisia ź miram.
Džon Duhan — były marpiech i aficer palicyi ZŠA. U Štatach jon zajmaŭsia rasśledavańniami karupcyi, a ŭ 2016 hodzie pierajechaŭ u Rasiju, atrymaŭšy tam palityčny prytułak.
U Jekaciarynburhu žurnalista The Wall Street Journal zatrymali pa padazreńni ŭ špijanažy
Žurnalista WSJ Evana Hierškoviča aryštavali na dva miesiacy za «špijanaž suprać RF»
Kamientary