BNB-Bank uvioŭ niekatoryja źmieny dla klijentaŭ, jakija zakranuli jak kampanii, tak i fizičnych asob. Da prykładu, bank prypyniŭ vypusk asabistych i zarpłatnych kartak Visa Classic. Pryčyna — skončylisia zahatoŭki, paviedamili ŭ kantakt-centry banka.
«Na žal, na hety momant niama infarmacyi adnosna taho, kali budzie adnoŭleny vypusk asabistych i zarobkavych kartak Visa Classic», — paviedamili ŭ kantakt-centry banka.
Akramia taho, bank prypyniŭ vypusk valutnych kartak «1-2-3».
«Źmieny byli va ŭmovach hetaha praduktu, takoje rašeńnie było pryniata bankam», — paviedamili ŭ kantakt-centry banka i ŭdakładnili, što hetaje rašeńnie nie źviazanaje ź niedachopam zahatovak dla kartak.
Taksama BNB-Bank źniziŭ da 10000 dalaraŭ minimalnuju sumu niekatorych pieravodaŭ u dalarach. Havorka pra adpraŭleńni na rachunki atrymalnikaŭ, adkrytyja ŭ bankach-nierezidentach. Śpis takich bankaŭ možna daviedacca ŭ kantakt-centry abo ŭ adnym z ofisaŭ. «Mahčymaść adpraŭki pieravodu mienš za 10000 dalaraŭ razhladajecca indyvidualna», — paviedamlaje BNB-Bank.
Akramia taho, bank pavialičyŭ kamisiju za pieravod u biełaruskich rublach na rachunki ŭ inšych bankach za kuplu abo budaŭnictva nieruchomaści z 0,1% (maksimum — 80 rubloŭ) da 0,2% (maksimum — 100 rubloŭ). Taksama jon uvioŭ kamisiju za vydaču vypiski pa biahučym rachunku, u tym liku z vypuščanaj da jaho kartkaj (akramia Visa Infinite, Gold Travel, Ultima Visa Infinite) za pieryjad bolš čym 3 miesiacy. Jana składzie 10 rubloŭ. Źjaviłasia i kamisija za vydaču terminovych daviedak standartnaj i pašyranaj formy na dziaržaŭnaj i anhlijskaj movie. Pavialičyłasia i kamisija za apracoŭku advolnaha płaciažu ŭ imbanking. Ciapier jana składzie 3 rubli.
Taksama vyras košt vypusku asnoŭnaj asabistaj kartki Visa Gold dla rezidentaŭ. Ciapier jana składzie 59,9 rubla.
Dla klijentaŭ — jurydyčnych asob z 17 krasavika źnižanaja minimalnaja suma pieravodu ŭ dołarach na rachunki atrymalnikaŭ, jakija adkrytyja ŭ bankach-nierezidentach. Ciapier minimalnaja suma pieravodu składzie 5000 dalaraŭ. Mahčymaść adpraŭki pieravodu mienš hetaj sumy budzie razhladacca indyvidualna.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary