U Biełarusi ŭviali mahčymaść aŭtadonarstva, možna zdać kroŭ dla samoha siabie
U Biełarusi 21 krasavika nabuduć moc źmieny ŭ zakonie ab donarstvie kryvi i jaje kampanientaŭ, paviedamiła Ministerstva achovy zdaroŭja. U dakumient dadali artykuł «Aŭtadonarstva». Ciapier kožny hramadzianin maje mahčymaść za peŭnuju apłatu zdać na zachoŭvańnie svaju kroŭ dla ŭłasnych patreb.
Novaŭviadzieńnie dazvalaje fizičnaj asobie zdać kroŭ ci jaje kampanienty na vypadak, kali samomu hetamu čałavieku ŭ budučyni moža spatrebicca pieralivańnie. Jak paznačajecca, «narychtoŭka i zachoŭvańnie ŭłasnaj kryvi robiacca za košt hramadzianina». Pry hetym nijakich kampiensacyj i harantyj takomu aŭtadonaru, u adroźnieńnie ad zvyčajnych, nie dajuć.
Kali aŭtadonaru ŭłasnaja kroŭ nie spatrebicca, jaje mohuć pieralić inšaj asobie, ale dla hetaha budzie patrabavacca piśmovaja zhoda donara.
U zakonie, apublikavanym na Nacyjanalnym pravavym partale, tłumačycca, što normu ŭchvalili «u metach źmianšeńnia ryzyki niespryjalnych nastupstvaŭ pieralivańnia kryvi». A kolki budzie kaštavać hetaja pasłuha, pakul nieviadoma.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš4
Kamientary