«Miniruje ŭsiu Jeŭropu». MZS Biełarusi vystupiła z antypolskim kamientarom
Pres-sakratar MZS Biełarusi Anatol Hłaz zajaviŭ, što biełaruskaje MZS «samym surjoznym čynam aścierahajecca ahresiŭnych dziejańniaŭ polskaha kiraŭnictva».
Hłaz nazvaŭ tradycyjnyja dla biełaruskich uład pretenzii: finansavańnie ekstremistaŭ, padrychtoŭka «bajavych družyn», aktyŭnaja militaryzacyja.
«Dziejańni dziejnaha ŭrada časam fanatyčnyja, nie adroźnivajucca łohikaj i racyjanalnaściu, a tamu nie zaŭsiody pradkazalnyja. Dastatkova ŭziać chacia b zakryćcio punktaŭ propusku na miažy na škodu ŭłasnamu nasielnictvu i biznesu», — skazaŭ Hłaz.
Jašče adna pretenzija Hłaza da Polščy — prypynieńnie vykanańnia pałažeńniaŭ Damovy ab zvyčajnych uzbrojenych siłach u Jeŭropie ŭ dačynieńni da biełaruskich uład.
«Vidavočna žadańnie jašče bolš schavać ad svajho najbližejšaha susieda infarmacyju ab svaich Uzbrojenych siłach. Nahadaju: hety dakumient acenieny Hienasamblejaj AAN jak «krajevuholny kamień jeŭrapiejskaj biaśpieki». Jon choć i sastareły, ale ŭsio ž trochi vyznačaŭ vajskovy bałans. I voś polski ŭrad całkam śviadoma razburaje apošnija jurydyčnyja apory jeŭrapiejskaj sistemy biaśpieki. Miniruje ŭsiu Jeŭropu», — skazaŭ Hłaz.
Pavodle jaho, Saviet Ministraŭ Polščy pryniaŭ rašeńnie ab nievykanańni adnosna Biełarusi pałažeńniaŭ Damovy ab zvyčajnych uzbrojenych siłach u Jeŭropie (DZUSIE).
Pres-sakratar MZS Biełarusi taksama paviedamiŭ, što biełaruski bok źbirajecca paskardzicca na Polšču ŭ jeŭrapiejskija stalicy i NATA.
«Biełaruś nie zacikaŭlena ŭ eskałacyi. Bolšaść krain Jeŭropy nie zacikaŭleny ŭ eskałacyi i havorać, što sprabujuć choć niejak zachavać dalikatny bałans u rehijonie. Było vielmi šmat šumu i krytyki, kali Rasija pa zusim łahičnych pryčynach prypyniła dziejańnie DZUSIE. Voś zaraz pahladzim, nakolki šumna adreahujuć jeŭrapiejskija stalicy na adnaznačna destruktyŭny krok polskaha ŭrada. Adpaviednuju infarmacyju my da ich daviadziom. Budzie taksama cikava vysłuchać mierkavańnie NATA ab tym, jak takaja pazicyja suadnosicca z prychilnaściu kantrolu nad uzbrajeńniami i transparentnaści ŭ vajskovaj śfiery, jakaja pastajanna dekłarujecca Aljansam. Vidavočna, što Polščy nieabchodna pierahledzieć svajo rašeńnie i viarnucca da paŭnavartasnaha i dobrasumlennaha vykanańnia DZUSIE. My ž zaŭsiody hatovy da kanstruktyŭnaha i ŭzajemapavažlivaha dyjałohu», — skazaŭ Hłaz.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary