ZŠA sprabujuć supakoić sajuźnikaŭ paśla dziŭnaj uciečki sakretnych dakumientaŭ
Vysokapastaŭlenyja amierykanskija čynoŭniki paśla maštabnaj uciečki sakretnych dakumientaŭ Pientahona sprabujuć supakoić razhublenych sajuźnikaŭ — ad Jeŭropy da Blizkaha Uschodu i Kijeva, piša vydańnie Politico.
Paśla taho, jak pra ŭciečku stała viadoma na minułym tydni, vysokapastaŭlenyja pradstaŭniki amierykanskaj raźviedki, Dziarždepartamienta i Pientahona źviazalisia sa svaimi kalehami ŭ inšych krainach, kab raźviejać aściarohi z nahody publikacyi raźvieddanych, skazali vydańniu čatyry čynoŭniki z roznych krain.
Aficyjnyja asoby ŭ Łondanie, Brusieli, Bierlinie, Dubai i Kijevie pačali zadavać Vašynhtonu pytańni ab tym, jak sakretnaja infarmacyja akazałasia ŭ internecie, chto niasie adkaznaść za ŭciečku, i što ZŠA robiać dla taho, kab infarmacyja była vydalenaja z sacyjalnych sietak.
Ich taksama cikavić, ci robić Bieły dom kroki pa abmiežavańni raspaŭsiudžvańnia raźviedvalnaj infarmacyi ŭ budučyni.
Uciečka pryviała da kryzisu ŭ adnosinach ZŠA z sajuźnikami, i pakul niezrazumieła, jak Vašynhton budzie vypraŭlać situacyju, jakuju šmat chto ŭžo nazyvajuć adnym z najbujniejšych pravałaŭ amierykanskaj raźviedki z momantu publikacyi sakretnych dakumientaŭ na sajcie WikiLeaks.
«Sposab uciečki i źmiest dakumientaŭ vielmi niezvyčajnyja, — skazaŭ Politico były analityk amierykanskaj raźviedki, jaki zajmaŭsia Rasijaj. — Ja nie mahu ŭspomnić vypadki, kali ŭciečka była b nastolki abjomnaj i achoplivała taki šyroki śpiektr infarmacyi, jakaja prosta trapiła ŭ sacyjalnyja sietki, a nie prajšła praz žurnalistaŭ, jak było ŭ vypadku z fajłami Snoŭdena».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary