20-hadovuju Alinu Horavu zatrymali 27 sakavika ŭ Kruhłym. Dziaŭčynu abvinavačvajuć pavodle «narodnaha» artykuła 342 Kryminalnaha kodeksa (aktyŭny ŭdzieł u hrupavych dziejańniach, jakija hruba parušajuć hramadski paradak). I mała taho, što trymajuć u zvyčajnych nialudskich umovach, ale i nie akazvajuć nieabchodnaj miedycynskaj dapamohi.
Jak paviedamlajuć pravaabaroncy «Viasny», spačatku dziaŭčynu ŭtrymlivali ŭ miascovym izalatary časovaha ŭtrymańnia ŭ žorstkich umovach: u kamiery było choładna, davodziłasia spać na doškach, a nakryvacca było zabaroniena navat svaim adzieńniem. Praz heta ŭ Aliny Horavaj abvastrylisia chraničnyja zachvorvańni nyrak i žanočych orhanaŭ.
Uviečary 30 sakavika Alinie stała kiepska, tamu joj vyklikali chutkuju dapamohu. Siłaviki nie dazvolili špitalizavać zatrymanuju, bo nibyta ŭ SIZA, kudy jaje pavinny byli pieravieści, jość dzionny stacyjanar.
U mahiloŭskaj turmie Alinie ŭ miedycynskaj dapamozie admovili, niahledziačy navat na drennyja analizy: turemny lekar admoviŭsia lačyć jaje antybijotykami i špitalizavać.
Na 10-y dzień stan Aliny staŭ jašče horšym, boli ŭzmacnilisia, zapaleńnie prahresuje, na lačeńnie nadziei niama, raspaviadaje dissident.by.
Alinu Horavu zatrymali 27 sakavika padčas «abłavy» ŭ Kruhłym za ŭdzieł u mirnych akcyjach pratestu ŭ 2020 hodzie. Uviečary 27 sakavika jana pajšła ŭ Śledčy kamitet dla dačy pakazańniaŭ u jakaści śviedki pa kryminalnaj spravie ab udziele ŭ mirnych akcyjach pratestu i na volu ŭžo nie vyjšła.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary