Nad filmam pra Barbi pracuje Hreta Hiervih, viadomaja svaimi pracami ŭ niezaležnym kino
Na hetym tydni Warner Bros vypuściła druhi trejler filma. Sama stužka vyjdzie ŭ lipieni.
Taksama na hetym tydni ŭ presie źjavilisia płakaty ź piersanažami, jakija dajuć bolš padrabiaznuju infarmacyju pra toje, kaho ihrajuć niekatoryja z zorak.
Pieršy trejler pra «Barbi» vyjšaŭ letaś u śniežni.
«Sa spradviečnych časoŭ, z taho času, jak na Ziamli źjaviłasia pieršaja maleńkaja dziaŭčynka, isnujuć lalki. Ale lalki zaŭsiody i nazaŭždy byli lalkami ŭ vyhladzie niemaŭlat, pakul…» — kaža ŭ trejlery hołas apaviadalnika.
Potym źjaŭlajecca hihanckaja Barbi ŭ pałasatym kupalniku — i dziaŭčatki pačynajuć źniščać svaich ustarełych lalek.
Paśla hetaha dziejańnie pierachodzić u całkam ružovy i malaŭničy suśviet Barbi, dzie pakazany niekatoryja zorki filma, uklučajučy Rajana Hoślinha, Isu Rej i Simu Lu.
Hałoŭnuju hierainiu ihraje 31-hadovaja aŭstralijskaja akciorka Marho Robi. Jana źjaŭlałasia ŭ filmach «Voŭk z Uoł-stryt» i «Adnojčy ŭ Halivudzie».
Robi była naminavanaja na premiju «Oskar» za najlepšuju žanočuju rolu ŭ 2017 hodzie za rolu fihurystki Toni Chardynh u filmie «Ja, Tonia».
Aktrysa pryznałasia, što viedaje ab praduziatym staŭleńni aŭdytoryi da filma, jaki raskazvaje pra adnu z samych viadomych błandzinak u śviecie.
«Heta źviazana ź vialikaj praduziataściu … i mnostvam nastalhičnych uspaminaŭ, — skazała jana ŭ letašnim intervju brytanskamu Vogue. — Ale heta taksama daje šmat mahčymaściaŭ razburyć hetu praduziataść».
Kab razarvać šabłony adnosna čakańniaŭ, u jakaści režysiora pradziusary zaprasili naminavanuju na «Oskar» piśmieńnicu i režysiorku Hretu Hiervih.
Hiervih, viadomaja svajoj debiutnaj indzi-stužkaj «Łedzi Berd», filmam «Maleńkija žančyny», a taksama ŭdziełam u niezaležnych prajektach, abjadnałasia sa svaim mužam i taksama naminantam na «Oskar» Noa Baŭmbacham, kab napisać dla «Barbi» scenaryj. Baŭmbach viadomy scenaryjami da filma «Kalmar i kit», a taksama da stužki sa Skarlet Jochansan i Adamam Drajvieram «Šlubnaja historyja».
«Ludzi zvyčajna čujuć «Barbi» i dumajuć: «O, ja ŭjaŭlaju, što heta budzie za film», — skazała Marho Robi. — A potym jany čujuć, što jaho režysuje Hreta Hiervih, i takija: «O, nu, moža, ja nie viedaju».
Film vyjdzie 21 lipienia.
Čytajcie jašče:
«Džon Uik 4»: chareahrafija boju na fonie Osaki, Bierlina i Paryža
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka7
Kamientary