Kali dla nas busły — simvał miru i ščaścia i my nieciarpliva čakajem ich viasnoj, to ŭ inšych častkach śvietu jany abjekt zabavy samaha nizkaha ŭzroŭniu, piša Gazeta.pl. Brakańjery ŭ Livanie nakiroŭvajuć zbroju ŭ nieba kožny raz, kali bačać u im busłoŭ.
Pra hetuju haniebnuju praktyku, papularnuju u hetaj nievialikaj blizkaŭschodniaj krainie, paviedamlaje Kamitet suprać zabivańnia ptušak (CABS), jaki adsočvaje niezakonny adstreł busłoŭ.
«Ciažka pavieryć, ale busłoŭ, jakija sprabujuć viarnucca na miesca hniezdavańnia, u Livanie masava adstrelvajuć brakańjery», — napisana na staroncy arhanizacyi ŭ fejsbuku.
U Livanie da adstrełu busłoŭ staviacca jak da zabavy. Livanskija siły biaśpieki aryštavali adnaho čałavieka paśla taho, jak aktyvisty ŭbačyli, jak hrupa brakańjeraŭ stralała ŭ čaradu z kala 500 busłoŭ. Było jašče šmat padobnych incydentaŭ, rasśledavańnie praciahvajecca.
Biernard Abi Nader, vieterynar, jaki padrychtavaŭ spravazdaču ab situacyi ź mihrujučymi ptuškami ŭ Livanie dla Kamiteta suprać zabivańnia ptušak (CABS), patłumačyŭ u intervju, apublikavanym na sajcie bociany.pl, što ptušak zabivajuć nie dla spažyvańnia.
«Ich zabivajuć palaŭničyja-amatary, jakija vielmi maładyja i nie majuć viedaŭ ab palavańni. Jany ličać palavańnie zabaŭkaj, hulnioj (…).
Palavańnie — častka livanskaj kultury, ale čaściej za ŭsio samym vialikim pośpiecham jany ličać adstreł ptušak, jakija achoŭvajucca. Adnak heta pryvodzić da kanfliktu pamiž ekołahami i palaŭničymi», — rastłumačyŭ vieterynar.
Biernard Abi Nader rastłumačyŭ, što choć palavańnie na busłoŭ u Livanie zabaroniena z 2004 hoda, zabarona nie vykonvajecca. «Ludzi nie pavažajuć i niedaaceńvajuć hetych ptušak», — padkreśliŭ livaniec.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary