Vy mahli viedać komika Dźmitryja Naryškina pa jaho pracy na TNT i ŭ Comedy Club, a taksama pa vałanciorstvie ŭ ByCovid19. Užo hod stvaralnik minskaha Stand Up Comedy Hall žyvie ŭ Polščy, dzie praciahvaje vystupy. Ale novy jaho prajekt maje zusim inšy farmat.
Naryškin zapuskaje biełaruskamoŭny padkast pad nazvaj Taki Šliach. Siońnia jon pradstaviŭ premjerny vypusk prajekta, dzie pracuje razam z suviadučaj — Irynaj Šumskaj, kryzisnym psichołaham i terapieŭtkaj tancu i ruchu.
Šlach da pieršaha padkasta ŭ komika byŭ doŭhi — Dźmitryj raskazvaje, što ŭpieršyniu zadumaŭsia pra taki prajekt niekalki hadoŭ tamu: «Chaciełasia rabić svoj padkast jašče hadoŭ piać tamu, adnak uvieś čas prydumlaŭ sabie šmat «ale». Heta značyć, byŭ strach, niaŭpeŭnienaść i šmat adhavorak pierad saboj. Ciapier ja pracuju šmat na siabie jak komika i asobu i pryjšoŭ da vysnovy — ciapier toj samy čas. Napierad».
Temu prajekta Dźmitryj farmuluje tak: «Chaciełasia b lohka kazać pra toje, što balić ludziam za 30.
Nie dumaju, što pakul atrymałasia heta jarka zrabić. Upeŭnieny, što farmat budzie vybudoŭvacca i ŭlahacca jašče niekalki vypuskaŭ». Vyhladaje, što tut Naryškin adstupiŭ ad lubimaha stendapu, ale jon zapeŭnivaje — u asnovie stendapu jakraz i lažać takija źjavy, jak refleksija, psichałohija i mahčymaść razhladzieć prablemu z roznych vuhłoŭ, a taksama stały pošuk adkazaŭ tam, «dzie ich zusim niama».
Što da psichołaha, to Dźmitryj spadziajecca, što Iryna budzie jaho pastajannaj suviadučaj, ale nie vyklučaje i mahčymaść śpiecvypuskaŭ z haściami ŭ studyi. Pra kalehu pa padkaście Naryškin adhukajecca z zachapleńniem: «Ira profi svajoj spravy, jaje pryjemna i cikava słuchać, i ja ŭ jaje vučusia pryhožaj biełaruskaj movie».
Pakul što padkast možna prasłuchać tolki na jutub-kanale Dźmitryja, ale ŭ budučyni ŭ prajekta majuć źjavicca i ŭłasnyja aŭdyjaplacoŭki. Vypuski płanujucca raz na dva tydni.
«Naša Niva» — bastyjon biełaruščyny
PADTRYMAĆNajlepšyja biełaruskija stendapiery — chto jany?
Hety biełaruski komik vystupaŭ za Ukrainu, a ciapier ładzić stendap na rodnaj movie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary